Vieiros

Vieiros de meu Perfil


Edición xeral

RSS de Edición xeral
EN COMPOSTELA

O domingo 15, Galiza non se vende

A plataforma manifestarase ao mediodía contra as políticas de especulación e explotación do territorio. Pola tarde, un concerto na Sala Nasa.

Redacción - 12:00 14/02/2009

A plataforma Galiza non se vende volve convocar a cidadanía do país para manifestar a súa protesta pola política ambiental do Goberno. O colectivo organiza unha manifestación nacional este domingo 15 ao mediodía en Compostela, que partirá da Alameda.

Na manifestación tomarán parte máis de 50 organizacións e asociacións de todo tipo, tanto ecoloxistas como sociais, veciñais ou culturais. O lema será "Goberne quen goberne, Galiza non se vende", e os seus obxectivos múltiples, que se resumen en recuperar e potenciar os espazos e os coñecementos para ter un futuro garantido fronte á especulación, a degradación, o esquecemento e a explotación do territorio.

A concentración de protesta veu precedida dunha serie de concertos reivindicativos da caravana Galiza non se vende. O derradeiro terá lugar tamén en Compostela, despois da manifestación, o domingo ás 17:30 horas na Sala Nasa, coas actuacións d'Os da Ría, The Homens, Quempallou e Dakidarría.


4.38/5 (13 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: