Vieiros

Vieiros de meu Perfil


Máis Alá

Xestionado por Vieiros
RSS de Máis Alá
'A FORXA DUN SOÑO'

A memoria de Astano, a memoria de Ferrolterra

Presentouse en Fene o documental, que repasa os sesenta anos de historia do estaleiro, o seu auxe, e a reconversión. Vídeo no interior.

Redacción - 10:45 17/03/2009

'Astano, a forxa dun soño' conta a historia dun dos máis grandes proxectos industriais galegos, Astano, creado en 1941 polo enxeñeiro José María González-Llanos, seguindo a tradición de construción de barcos que na Ría de Ferrol comezara no século XVIII. A partir dos anos sesenta, e sobre todo nos setenta, a empresa rivalizou cos máis importantes estaleiros de todo o planeta, aproveitando a man de obra barata e a calidade do seu traballo, un investimento en I+D+i antes da palabra que despois foi desaproveitado.

En 1979 o INI faise cargo dos estaleiros. É o momento de maior esplendor de Astano, que supera os seis mil postos de traballo directos, e outros tantos indirectos. Ferrol é daquela a terceira cidade de Galiza, con cen mil habitantes (hoxe é a sétima, con trinta mil menos) e Astano é o motor de toda a comarca, sobre todo de Fene ou Neda. O documental conta estes anos, e tamén a posterior crise, provocada polo descenso mundial da demanda de grandes barcos, e nos límites impostos polo goberno español e as institucións europeas, que dende comezos dos anos oitenta deciden especializar a Astano na construción de plataformas off-shore, perdendo a meirande parte dos seus traballadores (só na primeira reconversión foron despedidos 3.600), e integrándose finalmente, canda ao estaleiros militares Bazán da outra beira da ría, en Navantia.

O filme, producido por Zenit TV, contou coa participación da Consellaría de Cultura, Navantia e o Concello de Fene e presentouse este luns no Ateneo de Ferrol.


4.36/5 (14 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí:



Trailer de 'A forxa dun soño'

Botadura do 'Arteaga' en 1972

'30 anos de veto político'

'A historia de Astano 1970-2008'