Vieiros

Vieiros de meu Perfil


Edición xeral

RSS de Edición xeral
O 3% da poboación de máis de 12 anos

Washington rexistra taxas de infección de VIH superiores ás de Burkina Faso

Segundo os servizos de saúde da capital de EUA, a maioría dos seropositivos son varóns negros, e adultos de entre 40 e 49 anos.

Redacción - 11:30 17/03/2009

Segundo un estudo publicado este luns polos servizos de saúde da capital dos Estados Unidos, Washington DC, o 3% dos habitantes de máis de 12 anos ten o Virus de Inmunodeficiencia Humana (VIH) que causa a sida.

A taxa de infección da súa poboación, de 600 mil habitantes, é superior á de países máis pobres e menos desenvolvidos como Burkina Faso ou Ucraína, e similar á de Uganda. Os datos tomáronse a finais de 2008.

O sector de poboación máis afectado é o dos varóns negros (6,5% de seropositivos). Séguenlle o dos de orixe hispana (3%) e o dos de cor branca (2,6%). As mulleres brancas (0,2%) e as hispanas (0,7%) son as menos afectadas. Por idade, é entre os adultos de 40 a 49 anos (7,2%) e entre os de 50 a 59 (5.2%) onde se rexistran máis casos.  

"Epidemia xeneralizada e severa"

"Para algúns, o 3% pode parecer unha cifra pequena. Mais en comparación, menos do 0,5% dos estadounidenses en xeral teñen cancro", sinala o informe do Departamento de Saúde da cidade. Ademais, lembran que a ONU considera epidemia "xeneralizada e severa cando a porcentaxe supera o 1%".

As principais causas de transmisión, segundo o estudo, son os encontros homosexuais masculinos sen protección (case 4 casos de cada 10), os encontros heterosexuais sen protección (28%) e o uso de xiringas contaminadas (18%).


4/5 (1 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: