Vieiros

Vieiros de meu Perfil


Máis Alá

Xestionado por Vieiros
RSS de Máis Alá
PREMIO DA CRÍTICA

Chus Pato e Marcos Calveiro, os mellores para os críticos

A AELG propuxo 'Hordas de Escritura' e 'Festina Lente' como candidatos galegos en poesía e narrativa. Serán refrendados o sábado 18 en Santander.

Redacción - 18:30 13/04/2009
Chus Pato

Chus Pato

A Asociación Española de Críticos Literarios anunciará o sábado 18 en Santander os Premios da Crítica correspondentes ao ano 2008. A proposta da Asociación de Escritores en Lingua Galega (AELG), que debe ser refrendada polos seus colegas de todo o Estado, foi anunciada este luns: Hordas de Escritura de Chus Pato en poesía, e Festina Lente de Marcos S. Calveiro en narrativa.

No libro de Chus Pato os críticos valoraron a súa orixinalidade, a mestura de xéneros e a solidez dun discurso iniciado en m-Talá e Charentón, e previamente noutra media ducia de poemarios. O obra de Marcos Calveiro destacou no último ano polo xeito en que o autor vigués se adentrou no xénero da novela histórica cunha novela que fala en boa medida sobre a propia cultura escrita.

Os premios da crítica recoñecen un poemario e unha obra de narrativa en galego dende que en 1976 se fixesen con eles Celso Emilio Ferreiro e Carlos Casares. Nos seus máis de trinta anos de traxectoria o galardón recaeu no máis destacado dos autores galegos e na súa edición anterior, os premios foron para o Vigo de Helena de Carlos e para O señor Lugrís e a negra sombra de Luís Rei.


4.69/5 (13 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: