Vieiros

Vieiros de meu Perfil


Edición xeral

RSS de Edición xeral
Bolivia

Tras un acordo coa oposición, Evo Morales podería abandonar a súa folga de fame

No quinto día de xaxún, conseguiuse consensuar un texto legal que lles permita aos bolivianos ir ás urnas en decembro. En troques, elaborará un novo censo.

Redacción - 09:20 14/04/2009
Evo Morales no seu primeiro día de xaxún

Evo Morales no seu primeiro día de xaxún

Os líderes das bancadas lexislativas do Congreso de Bolivia chegaron a un acordo para mudar a Lei Electoral, chave para que se desenvolvan as eleccións xerais en decembro deste ano. "O diálogo deu froitos positivos. Teremos código electoral e eleccións xerais en decembro, e eleccións para alcaldes en abril de 2010", anunciou o presidente da Cámara, Edmundo Novillo.

Novillo, que participou na mesa de diálogo, integrada polos líderes das catro forzas con representación parlamentaria, explicou que, após 10 horas de discusión, esta segunda feira conseguiron "harmonizar 84 artigos da lei", e só fica a súa aprobación na sesión plenaria, que se reiniciará tras unha paréntese que se produciu a pasada quinta feira, após o abandono dos deputados da oposición. Polo seu lado, o oficialismo tivo que acceder a unha das exixencias dos opositores: mudar por completo o censo electoral, elaborando un novo que se empregue nos vindeiros comicios, xa que o actual "non ofrecía as suficientes garantías de transparencia".

A norma é considerada de importancia capital para o Goberno de Evo Morales, quen comezou a pasada quinta feira unha folga de fame para facer presión á oposición para que se aprobase a Lei. Porén, Morales vai continuar co xaxún, xa que, segundo Fidel Surco, presidente da Coordinadora Nacional para o Cambio (Conalcam), grupo leal ao líder boliviano, "a folga de fame só se vai suspender cando o Congreso aprobe a lei electoral, e ese documento sexa sancionado polo presidente".


2.33/5 (3 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: