Vieiros

Vieiros de meu Perfil


Edición xeral

RSS de Edición xeral
Proxecto da ONG Save the Children

Meniños refuxiados do Iraq exprésanse a través de curtas de animación

As crianzas falan sobre discriminación, violencia, malos tratos nas escolas e do que senten ao viviren, á forza, fóra do seu país.

Redacción - 11:05 18/04/2009

Un proxecto da organización humanitaria Save the Children permitiulle a un grupo de nenos e nenas iraquís refuxiados no Líbano expresar as súas opinións sobre diversos temas a través dunha serie de curtas de animación realizadas na súa maior parte por eles mesmos.

As crianzas falan sobre cuestións como a discriminación, a violencia, os malos tratos nas escolas e do que senten sendo refuxiados noutro país. "As obras representan un claro exemplo de como un proxecto pode ser á vez educativo e animar á participación; demóstrase que involucrando os nenos neste tipo de proxectos se poden xerar mensaxes de presión con moito poder", sinalan dende a ONG.

O taller de creación fai parte do Proxecto de Apoio Educativo aos Nenos Refuxiados Iraquís no Líbano, dirixido por Save the Children Suecia e financiado pola Axencia de Cooperación Internacional deste mesmo país. Como protexérmosnos fronte á discriminación, Queremos regresar ao Iraq ou Paremos a violencia contra os nenos son algúns dos títulos das producións.


0/5 (0 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: