Vieiros

Vieiros de meu Perfil


GZ-Deportiva

Xestionado por Vieiros
RSS de GZ-Deportiva
CICLISMO

Enrique Salgueiro gaña a Volta a Galiza

O corredor de Redondela colocouse primeiro despois da etapa inaugural e mantívose firme nos seguintes días, respondendo con autoridade ás ofensivas dos seus rivais.

Redacción - 12:05 20/04/2009
Aser Estévez acadando a vitoria na última tirada

Aser Estévez acadando a vitoria na última tirada

O ciclista do Extremadura Spiuk Enrique Salgueiro gañou a oitava edición da Volta ciclista a Galiza, despois de rematar en terceiro lugar a quinta e última etapa. Salgueiro liderou con autoridade a carreira dende o primeiro día e estivo acompañado no podio por Carlos Oyarzun (Supermercados Froiz), a 20 segundos; e Gustavo Rodríguez (Cidade de Lugo) a un minuto e oito segundos.

Salgueiro gañou tamén as clasificacións da regularidade e a de mellor galego, mentres que o Supermercados Froiz encabezou a listaxe por equipos. Nas outras categorías Gustavo Rodríguez gañou o premio da montaña e Mikel Landa foi o mellor sub23. A das metas volantes foi a clasificación onde houbo maior movemento, e gañouna Antonio Cervera que xa a liderara durante as dúas primeiras xornadas.

Aser Estévez levou a última etapa
A última etapa foi para o ciclista do Spol Caixanova Aser Estévez, que se impuxo ao sprint a Jorge Martín Montenegro (Andalucía Cajasur) e ao propio Salgueiro. Durante a xornada houbo algunha pequena escapada mais todas foron neutralizadas. Nas primeiras posicións estivo sempre o líder da carreira, que mesmo tratou de arrincar en solitario coa idea de fechar unha semana triunfal coa vitoria na última etapa.

As arremetidas de Salgueiro non frutificaron e Aser Estévez foi o máis rápido no apertado final co que rematou a oitava edición da Volta. A tirada unía O Porriño con Vilagarcía, mediante un percorrido de 110 quilómetros que os primeiros en chegar completaron en dúas horas e 37 minutos, cun promedio de case 42 quilómetros por hora.


5/5 (1 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: