Vieiros

Vieiros de meu Perfil


Máis Alá

Xestionado por Vieiros
RSS de Máis Alá
EN TENERIFE, DO 23 AO 25 DE ABRIL

Ampla participación galega no Mercado Atlántico de Creación Contemporánea

Escoitar.org, o Festival dos Abrazos, a empresa compostelá E-Burbulla e Narf e Manecas Costa presentarán os seus proxectos.

Redacción - 17:20 22/04/2009

A programación da primeira edición de Macc, o único mercado das ideas do estado, reúne o talento emerxente, o risco innovador e a xestión empresarial creativa os días 23, 24 e 25 de abril no Auditorio de Tenerife. Catro proxectos galegos partician neste primeiro primeiro Mercado Atlántico de Creación Contemporánea: Chiu Longina exporá as bases do proxecto Escoitar, a organización do Festival dos Abrazos compartirá as súas experiencias, a empresa compostelá E-Burbulla organiza o maccLab, e o Aló Irmao de Fran Pérez e Manecas Costa forma parte do programa artístico do Festival Tránsitos. Os proxectos, ideas e creadores que conforman esta programación foron seleccionados pola comisión creativa macc entre máis dun cento de propostas.

A proposta de Escoitar.org
Escoitar.org presentará o seu proxecto artístico antropolóxico no programa maccInspira do Mercado Atlántico de Creación Contemporánea que comeza mañá en Tenerife. Un relatorio do artista sonoro e atropólogo Chiu Longina ofrecerá as claves dos case tres anos de vida da asociación cultural galega de promoción, difusión e defensa da escoita activa.

Pregúntanse en Escoitar.org "por que existe unha hexemonía tan marcada entre o ollo e a orella". "A primeira relación que os seres humanos temos co mundo é a través do noso oído", explica Longina, "os primeiros estímulos chegan da voz da nosa nai, o seu líquido amniótico amplifica os sons do exterior e deste proceso xorden os primeiros vínculos afectivos". E engade que "non temos pálpebras nos oídos, é dicir, non podemos deixar de escoitar de forma mecánica (como si podemos deixar de ver). É por iso que estamos avocados a escoitar.

Outras propostas
Ademais das galegas, entre as propostas seleccionadas están Democreated Brand, un interesante experimento creativo que propón ao público que decida democraticamente a concepción dun produto e a súa marca. Os desenvolvementos coreográficos no laboratorio avanzado de creación Tenerifedanzalab, as ideas creativas que a xente do Instituto Europeo de Deseño achegan ao mundo empresarial, as Talent Factorys, iniciativa da Fundación Digitalent para a promoción e impulso de proxectos multidisciplinares de dixitalización de contidos, ou as leccións maxistrais de Marcel·lí Antúnez, fundador da Fura dels Baus.

I have a secret é un colectivo andaluz que expón unha nova forma de facer cinema cunha mensaxe elaborada a partir ao lado máis íntimo e reservado das persoas: os seus segredos. A produtora Animation Bull ofrece un interesante proxecto artístico e creativo a partir da animación do cadro O xardín das delicias, do Bosco, e o colectivo Derivart achega a instalación Spreadplayer, que explora a intersección entre a arte, a tecnoloxía e as finanzas. Spreadplayer é un instrumento dixital que xera unha nova visualización dos mercados bolsistas a través do son. Transformando en ondas sonoras, e a tempo real, os datos de cotización das empresas españolas.


3.33/5 (3 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: