Vieiros

Vieiros de meu Perfil


GZ-Deportiva

Xestionado por Vieiros
RSS de GZ-Deportiva
COPAS GALEGAS

Arousa e Monforte comparten o protagonismo no piragüismo

Os clubs Illa de Arousa e Moaña Quixós gañaron respectivamente as probas de 'promoción' e a de 'promoción slálom'.

Redacción - 16:30 28/04/2009

O Club de piragüismo Illa de Arousa e o Club Montaña de Quixós foron os grandes protagonistas do piragüismo galego na pasada fin de semana. Os monfortinos gañaron a terceira proba da VII Copa Galega de Promoción, que se disputou en Gondomar. Pola súa parte, o club arousán impúxose na segunda proba da XIV Copa Galega de Promoción, nunha competición que usou como escenario o embalse pontevedrés de Castrelo de Miño.

En Castrelo de Miño celebrouse a competición da XIV Copa Galega de promoción, na categoría infantil 3.000 metros, coa participación de 33 clubs e 266 deportistas. O Club de piragüismo Illa de Arousa impúxose ao Club Náutico Firrete e Club Piragüismo As Torres-Romaría Vikinga. Os arousáns non gañaron en ningunha das nove probas disputadas pero impuxeron a súa regularidade sobre os seus perseguidores na clasificación final, malia que estes acadaron dúas vitorias cada un.

A terceira proba da Copa de Promoción Slálom tivo como escenario Gondomar. A competición foi organizada polo Club Piragüismo Val Miñor-Frioya e pola federación, contando coa participación de 12 clubs e máis de 150 piragüistas de entre 8 e 14 anos. Houbo poucas sorpresas na competición e o Montaña de Quixós impúxose igual que fixera nas dúas probas anteriores da Copa, co que afianza o seu liderado. A segunda posición foi para o club Miño-Os Teixudos de Goián e a terceira para o Penedo de Caldelas.


0/5 (0 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí:



Saída da poba de Promoción Slalom, celebrada en Gondomar (clic para ampliar)
Saída da poba de Promoción Slalom, celebrada en Gondomar (clic para ampliar)
Saída da proba de Promoción celebrada en Castrelo de Miño (clic para ampliar)
Saída da proba de Promoción celebrada en Castrelo de Miño (clic para ampliar)