Vieiros

Tal e como prevían as enquisas, o Inuit Ataqatigiit (IA) gañou as eleccións de Grenlandia co 43,7% dos votos, botando así do poder aos socialdemócratas do Siumut, que mantiñan a súa hexemonía dende que este territorio baixo soberanía danesa obtivese a súa autonomía en 1979.

O triunfo foi contundente, xa que avanzou o 21,3% en relación aos anteriores comicios de 2005 e duplicou os seus escanos até 14 dos 31 deputados do Inastsisartut, o Parlamento groenlandés, segundo os resultados oficiais difundidos pola Autoridade electoral.