Vieiros

Vieiros de meu Perfil


Edición xeral

RSS de Edición xeral
Cambio de denominación

As Galescolas desaparecen da internet

O dominio galescolas.net xa redirixe a escolasinfantis.net, un nome que non foi aínda aprobado pola Xunta.

Redacción - 14:00 11/06/2009

O Goberno xa fixo desaparecer as Galescolas. Polo menos, na internet. O dominio galescolas.net xa non está operativo e, no seu lugar, redirixe a escolasinfantis.net. Os contidos do novo portal seguen a ser, visualmente, iguais ca os da anterior etapa, mesmo con referencias ao termo "Galescola" nas súas novas. Porén, o logotipo modificouse consonte a nova denominación e cun diferente tipo de letra, máis convencional.

Non consta que a Xunta de Galicia aprobase o cambio de denominación nin que se publicase no DOG. Dende a Consellaría de Educación e Benestar, da que aínda depende a rede de escolas infantís, tampouco quixeron dar ningunha explicación ao respecto ao peche desta edición.

O dominio escolasinfantis.net creouse o pasado 8 de marzo e modificouse o 8 de xuño. Esta parece que será a nova denominación oficial ou, cando menos, oficiosa das 'renovadas' Galescolas.


3.67/5 (6 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: