Vieiros

Vieiros de meu Perfil


Edición xeral

RSS de Edición xeral
24 de xuño

Ardeu San Xoán

O país encheuse de fogueiras, arrecendos de sardiñas asadas, chourizos e fume. Pola mañá tamén das herbas recollidas o día antes, que molladas agardaban para que alguén lavase a cara co seu zume.

Redacción - 09:00 24/06/2009
Imaxe: Xela Rodríguez

Imaxe: Xela Rodríguez

De Norte a Sur e de Leste a Oeste, Galiza encheuse de fogueiras, lumieiras, cachelas, folións. A noite máxica de San Xoán, a máis curta do ano, terminou, mais aquí vos deixamos unha pequena mostra do que foi a festa e máis o lume.

Na imaxe, un intrépido saltador de fogueiras asoma por riba do lume, na praciña da Algalia, en Compostela. A carón había unha outra fogueira, ben máis pequena, que saltaban os miúdos e aqueles que lle tiñan medo á grande.

Porén, aínda os houbo máis intrépidos, que despois de dar chimpos toda a noite, e co estómago ben cheo, metéronse no mar ou no río, para facer a xornada completa.


4.5/5 (10 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: