Vieiros

Vieiros de meu Perfil


Máis Alá

Xestionado por Vieiros
RSS de Máis Alá
ENTREVISTA NA CRTVG

Ramón Villares: "O galego é un recurso, non un problema"

O Consello da Cultura Galega, do que o historiador é presidente, pechou este xoves os actos de conmemoración do seu 25 aniversario.

Redacción - 18:00 09/07/2009

""Non teño na cabeza que esta vaia ser unha sociedade monolingüe, nin galega nin castelá, así que hai que buscar modelos de convivencia e non de conflito", o presidente do Consello da Cultura Galega (CCG), Ramón Villares, marcou este xoves a súa posición sobre o conflito lingüístico que vive Galiza dende hai uns meses. Villares salientou que "o galego é un recurso, non un problema" e engadiu que "a ninguén se lle pode pedir que sexa monolingüe, todas estas chamadas a unha especie de monolingüísmo implícito, son bastante paletas". Coincidindo co remate de doce meses de actividades, conferencias e debates cos que o Consello celebrou o 25 aniversario da súa creación Ramón Villares foi entrevistado pola TVG.

Villares tamén afirmou que o Consello está vendo "con preocupación" o debate lingüístico: "O CCG non ten dúbida de que un dos elementos esenciais da identidade galega é a lingua, así que todo o que signifique defendela será apoiado polo Consello, pero tampouco non descoñecemos que existe un debate social e político. Isto pódenos levar a reflexionar sobre as políticas lingüísticas que se levaron a cabo o ano pasado, e pode que haxa que cambiar algunhas cousas, pero en ningún caso abandonar".

Finalmente, en relación co Cidade da Cultura, o presidente do CCG, dixo que "non está en causa, pode reorientarse, pero seguirá a súa travesía".


1.75/5 (12 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: