Vieiros

Vieiros de meu Perfil


Galego.org

Xestionado por Vieiros
RSS de Galego.org
A partir do curso 2010-2011

A UE financiará os cursos de galego para alumnos Erasmus estranxeiros

As xornadas intensivas e preparatorias están dirixidas aos europeos que veñen estudar nunha universidade galega.

Redacción - 11:30 17/07/2009

A Comisión Europea anunciou que a partir do ano académico 2010-2011, o Programa Erasmus financiará cursos intensivos de galego para aqueles alumnos de universidades europeas que veñen estudar nalgunha das tres que hai no noso país. A mesma situación dáse con éuscaro e catalán.

Segundo informa a axencia Eurolang, até o de agora só había bolsas para as linguas oficiais na Unión Europea -agás o inglés, o francés, o español e o alemán, as máis usadas e aprendidas- así como tamén para o islandés, o noruegués e o turco.

Os Cursos de Lingua Intensivos do Erasmus teñen unha duración de estre dúas e seis semanas, capacitando minimamente os alumnos para o seu período no estranxeiro. No curso 2006-2007, máis de catro mil estudantes participaron nas xornadas, que teñen lugar no país de acollida.


4.2/5 (5 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: