Vieiros

Vieiros de meu Perfil


Galego.org

Xestionado por Vieiros
RSS de Galego.org
Enquisa sobre a lingua ás familias

BNG: Un "bochornoso espectáculo" que debe explicarse no Parlamento

"Carece do máis mínimo rigor científico", censuraron os deputados nacionalistas Carme Adán e Bieito Lobeira.

Redacción - 17:15 31/07/2009

"A enquisa non tiña ningún sentido dende o principio e moito nos tememos que acabe seguindo o camiño do fraude", reprocháranlle á Consellaría de Educación os deputados do BNG Carme Adán e Bieito Lobeira nunha conferencia de prensa hai xa días. Daquela, o grupo do Bloque no Parlamento presentara unha iniciativa na que demandan que a Xunta informe na Cámara da metodoloxía empregada no reconto da consulta sobre o galego do ensino. Sobre o conxunto do proceso, os nacionalistas opinan que se converteu nun "bochornoso espectáculo mediático".

Este venres, Carme Adán e Bieito Lobeira compareceron novamente diante dos medios para avaliar a publicación dos datos e, denunciar ao respecto, que os resultados "non avalan para nada" a derrogación do decreto do galego que anunciou a Xunta. Os nacionalistas esixen agora a dimisión tanto do conselleiro de Educación, Xesús Vázquez, coma do secretario xeral de Política Lingüística, Anxo Lorenzo. A deputada pontevedresa Carme Adán cualificou a enquisa de "farsa" e criticou particularmente que tanto os partidos políticos como a comunidade educativa "foran totalmente obviados no proceso". Lobeira recordou que o documento "carece de credibilidade" e insistiu en que as preguntas "foron manipuladas" en favor dun proxectado proceso de "aniquilación da lingua galega".


4.85/5 (13 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: