Vieiros

Vieiros de meu Perfil


GZ-Deportiva

Xestionado por Vieiros
RSS de GZ-Deportiva
Presuntas irregularidades na xestión

Os clubes érguense contra o presidente da Federación Galega de Piragüismo

O piragüista Alfredo Bea lidera unha plataforma integrada por 24 clubes, esixindo a dimisión de Modesto Teijeiro.

Redacción - 13:00 19/08/2009

A inasistencia a pasada fin de semana do presidente da Federación Galega de Piragüismo, Modesto Teijeiro Valledor, ás probas que se realizaron no Pontillón, esgotou a paciencia dun amplo sector do piragüismo galego. Entenden desde os clubes que o máximo mandatario evitou asistir a esta competición para escapar á petición de explicacións reiterada nos últimos tempos desde o sector.

Por este e outros motivos, a denominada plataforma Desde Dentro envíalle este mércores aos medios de comunicación unha nota, asinada por 24 clubes, onde esixen a dimisión de Teijeiro Valledor. A petición formal foi xa presentada a primeira hora do luns na sede da propia Federación. Os denunciantes engaden o recente desplante de Valledor a "outras frontes abertas", incluídos os cambios na xunta directiva, nomeando asesor persoal seu o ex presidente da Federación Española de Piragüismo, Santiago Sanmamed, a quen lle atribúen a pilotaxe na sombra da Federación Galega.

De xeito concreto, o grupo de clubes liderado polo piragüista Xosé Alfredo Bea denuncia a existencia dunha factura de "comisións indebidas", que Teijeiro Valledor tería solicitado a título particular, "non para a Federación", ao presidente da federación estatal, "por considerarse imprescindíbel na obtención por parte do organismo estatal dunha subvención de 100 mil euros do FROM, dependente do Ministerio do Medio Rural e Mariño. "Todo isto contribúe aínda máis ao burato económico que padece a federación debido á súa xestión", critican. Consideran os denunciantes que "por hixiene democrática" o presidente da entidade debera dimitir.


4.6/5 (5 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: