Vieiros

Vieiros de meu Perfil


GZ-Deportiva

Xestionado por Vieiros
RSS de GZ-Deportiva
BALONCESTO

O Breogán revalida o título de campión da Copa Galicia

Na competición feminina, as xogadoras do Celta Idepo foron as gañadoras logo de vencer o Pio XII na final.

Redacción - 11:00 28/09/2009

Nun partido intenso e moi competido, o cadro lugués do Breogán fíxose co título de campión da Copa Galicia fronte ao compostelán Xacobeo Blu:sens (63-57). Unha maior intensidade en defensa e o acerto en ataque, sobre todo no primeiro cuarto, fixo que o equipo de Rubén Domínguez se fixese acredor do campionato por décimo primeira vez.

O primeiro cuarto dominouno con claridade o conxunto de Lugo, que chegou ao minuto 10 cunha vantaxe de sete puntos. Xa no segundo período, os composteláns amosaron unha destacábel intensidade defensiva, o que fixo que se igualase o marcador. No terceiro cuarto tomaron protagonismo as defensas e as porcentaxes de tiro foron moi baixas, tanto que entre os dous conxuntos só marcaron 17 puntos. Ao remate, gañaba o Breogán por 44-43 e deixaba o título por decidir para o último cuarto. Aí foi onde os lugueses se amosaron intratábeis en todos os aspectos do xogo. O cadro de Curro Segura non puido facer nada para evitar unha desvantaxe que aumentaba por minutos: ao remate do encontro seis puntos marcaron a diferencia entre ambos conxuntos e sentenciaban un título que, unha vez máis, marcharía para terras luguesas.

Velaquí as estatísticas:

CB Breogán: Jeff Adrien (10), Vallmajo (9), Rom (6), Pina (4), Jeffrey Xavier (19) -quinteto inicial- Colem (7), Lamar Halma (0), Corbacho (5) e Balmon (3).

Xacobeo Blu:sens: Vasileiadis (5), Djedovic (7), Pasalic (14), Stanic (0), Terry (19) -quinteto inicial- Aguilar (2), Bulfoni (2), Manzano (4), Higgins (2) e Alfonso Sánchez (2).

Parciais: 26-19, 9-16, 9-8 y 19-14.

En feminino, o título foi para Vigo
No caso da competición feminina, foi o Celta Indepo quen se converteu no campión da Copa Galicia, logo de vencer na final do torneo ao Pio XII. O cadro de Miguel Méndez completou un bo partido e resolveron o encontro ante as combativas xogadoras capitaneadas por Mozan. Malia ser as favoritas, as xogadoras viguesas tiveron que esforzarse abondo para levarse o partido e tardaron en sentenciar. Así, aproveitaron o seu tiro exterior e o acerto e veteranía de Pilar Valero para facerse definitivamente co título de campionas.

Velaquí as estatísticas:

Celta Indepo: Sara Gómez (14), Egle (15), Noemi (3), Iva (17), Pina (8) -cinco inicial-, Delgado (3), Valero (13), Dragana (2) e Olga.

Pío XII: Laura Grande (4), Sofía Ramalho (14), Ana Román (15), Baundu (14), Itziar (8) -cinco inicial-, Carolina Díaz (5) e Nadia (7).

Parciais: 23-17, 14-19, 20-8 y 18-23.


Ligazóns

5/5 (3 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí:



O Breogán gañou once títulos das 24 edicións disputadas da Copa Galicia
O Breogán gañou once títulos das 24 edicións disputadas da Copa Galicia
O escolta do Breogán, Jeff Xavier, foi elixido mellor xogador do torneo
O escolta do Breogán, Jeff Xavier, foi elixido mellor xogador do torneo
Na categoría feminina, as campionas foron as xogadoras do Celta
Na categoría feminina, as campionas foron as xogadoras do Celta