Edición xeral
Os viaxeiros apostan por Lavacolla
O aeroporto de Santiago recibiu un 9,2% pasaxeiros máis que hai un ano e converteuse no terceiro cun maior avance do Estado Español.
Nun contexto xeral de descenso de viaxeiros, o aeroporto de Santiago de Compostela, Lavacolla, foi o único de entre os galegos que experimentou un incremento. 159.902 persoas optaron por este terminal, un 9,2% máis que no mesmo mes de outubro do ano pasado, segundo os datos difundidos por Aeroportos Españois e Navegación Aérea (AENA).
Ademais, Lavacolla situouse como o terceiro aeroporto do Estado Español que rexistrou un maior incremento. Só foi superado, en termos relativos, polos terminais de Reus (un 55,7% máis) e Santander (un 13,5% máis). O contexto xeral do Estado deparou un descenso do 9,3%.
Mentres, tanto Peinador (Vigo) como Alvedro (A Coruña) experimentaron unha caída no número de viaxeiros do 14,8% e do 1% respectivamente. O primeiro contabilizou 90.606 pasaxeiros no pasado mes de outubro e o segundo outros 92.702 viaxeiros.
Finalmente, se falamos de operacións, os tres aeroportos galegos rexistraron un total de 4.428 no pasado mes de outubro, das que 1.635 corresponderon a Lavacolla (un 8,6% menos); 1.389 a Alvedro (un 3,9% menos); e 1.224 a Peinador (un 17,5% menos).
Novas relacionadas
Comentarios (5)
Ollo, Reus e Santander son aeroportos con voos de baixo custo. Aumentemos eses voos de baixo custo en calquera dos tres aeroportos galegos e incrementará o número de pasaxeiros.
Non hai porque apostar só por Lavacolla e deixar de apostar por Alvedro e Peinador. Hai que mellorar os tres e sobre todo as comunicacións coas cidades de Galiza.
Converter Lavacolla no gran aeroporto central e internacional e mellorar as súas comunicacións ferroviarias con Santiago, Coruña, Vigo, Lugo, Ourense, Ferrol e Pontevedra e tamén a Galiza rural, como teñen os grandes aeroportos internacionais e converter Alvedro e Peinador en aeroportos de voos de baixo custo, como o son o de Reus e Xirona.
BonKarallan, a realidade de Cataluña non ten nada que ver coa galega, polo que non vexo cómo se pode trasplantar o seu modelo a Galicia. Non sei por que non pode haber un só aeroporto, o de Lavacolla, pero iso si, ben comunicado co resto das cidades de Galicia. Se ti chegas desde A Coruña a Lavacolla en media hora, ¿para que queres un aeroporto en Alvedro? ¿E ti cres que Peinador é operativo tendo a 50 quilómetros o Sá Carneiro?
O feito é que na actualidade xa hai tres aeroportos operativos así que non hai motivo para eliminalos. Do mesmo xeito que se defende un aeroporto central poderíanse defender dous aeroportos na Coruña e Vigo e eliminar o de Lavacolla.
Non sobra ningún aeroporto, Vigo e A Coruña teñen potencial sufuciente como para precisar conexións rápidas cando menos con Madrid e Barcelona (e desprazarte 40 minutos até Santiago non é unha boa opción). Ademáis, mesmo se desaparecesen Peinador e Alvedro tampouco é que Lavacolla fose a ser un aeroporto xigantesco...
#3 condedecotobade, ¿e logo que facemos? ¿seguimos así? ¿Cal é a túa proposta? A miña é moi clara. ¿Como potenciamos Peinador e Alvedro? O tren de alta velocidade está aí. Non coñezo ningunha parte do mundo que teña a situación nosa. O aeroporto do Porto inclúe máis poboación que toda Galicia xunta. E agora xa andan a prolongar o metro ate Povoa do Varzim. Eses si que van ter unha boa comunicación con un único aeroprto.
Pois iso, ¿cal é a túa proposta? De momento só propós seguir así. Claro que é unha proposta, pero a min non me parece a adecuada. O tren vai dar máis dun desgusto.
O país é un desastre co minifundio, coma sempre. Tres universidades (!!!, e cada unha con sucursais noutras cidades) cando unha chega, e sobra, e xa é gasto de máis para o país. Tres aeroportos (!!!!, cando o que se debera facer é 1 aeroporto decente e apoiado, e o resto que desaparezan ou se busquen a vida sen un peso de diñeiro público), o AVE queren facer que pare en tódalas corredoiras...
Así, como de costume, nen se organiza nada ben, nen se optimizan os recursos (escasos) que temos nen puntas de ghaita...
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto