Vieiros

Vieiros de meu Perfil


Máis Alá

Xestionado por Vieiros
RSS de Máis Alá
'AchegArte', na Coruña o 28 e 29 de novembro

Vizosa concentración de forzas en favor da "cultura que queremos"

Música, teatro, audivisual, artes plásticas, danza, literatura, maxia... 'AchegArte' presenta o seu programa, cunha ampla programación para todos os públicos.

Redacción - 11:45 24/11/2009

Unha iniciativa importante para dar visibilidade á nosa cultura, "para difundila e sobre todo para demostrar que ten un peso decisivo na economía do país". Porque a cultura "xera riqueza e emprego" e porque o investimento en cultura "é sempre rendíbel a longo prazo". Así subliñan desde a concellaría de Cultura do Concello da Coruña a aposta por AchegArte, un espazo de encontro, intercambio de experiencias e difusión da cultura do país e unha oportunidade para coñecermos unha mostra da ampla oferta cultural galega. A iniciativa conta tamén co apoio da área de Promoción Económica da vicepresidencia da Deputación da Coruña e cobre o oco deixado polo CulturGal, a feira cultural celebrada o ano pasado que, malia o seu éxito, non foi financiada desta volta pola Xunta.

Co lema "A cultura que facemos. A cultura que queremos", AchegArte terá lugar os días 28 e 29 de novembro na Coruña, con actividades en Palexco e no Kiosco Alfonso. "Poderás gozar do noso teatro, a música, as artes plásticas, o audiovisual, a danza, a palabra cantada e falada.... mais tamén será o lugar onde mercar o libro que buscas, a música que che gusta, a película que non viches, os agasallos do Nadal; ou a ocasión para facer un obradoiro de ilustración, de danza, de música, de teatro, de pintura ou maxia, para grandes e pequenos", recolle o programa, cunha ampla peneira de actividades para todos os públicos. Así por exemplo, só no ámbito musical, serán máis de dúas ducias de actuacións en directo durante a fin de semana, cunha extensa proposta que inclúe desde Ultraqäns até o Alberto Conde Trío, pasando por Roi Casal, Magritte ou Luar na Lubre.


Ligazóns

4.5/5 (16 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí:



A concelleira de Cultura, María Xosé Bravo, na presentación do programa de AchegArte
A concelleira de Cultura, María Xosé Bravo, na presentación do programa de AchegArte