"A cuestión lingüística non tivo ningún peso no resultado electoral"
O sociólogo Fermín Bouza apela ao necesario consenso para evitar que o galego perda falantes e alerta sobre os perigos de facer da lingua unha cuestión política. Vídeo no interior.
Cartaz das xornadas do CCG
A situación sociolingüística de Galiza, a súa evolución recente e as fórmulas desexábeis para o futuro están a centrar un foro de debate que estes días se celebra no Consello da Cultura Galega (CCG) en Compostela. Os expertos, sociólogos, historiadores e lingüistas, reflexionan sobre unha cuestión que adquire crecente importancia no contexto mediático, mais tamén no político. Sobre a dimensión pública deste tema falou Fermín Bouza, sociólogo e catedrático de Opinión Pública na Universidade Complutense de Madrid (UCM) co que quixemos falar en Vieiros.
O peso electoral da cuestión lingüística
Se botamos man das análises estatísticas e sociolóxicas, "non hai ningún dato que referende a opinión de que as cuestións lingüísticas tiveron un peso específico na perda de poder do bipartito". Así o explica Bouza, quen tira esta conclusión das cifras do preelectoral do Centro de Investigacións Sociolóxicas (CIS) co gallo das eleccións galegas. "Cando observei estes datos tiven unha sorpresa positiva se os comparaba con outros datos coñecidos: amosaban unha clara recuperación do galego como lingua inicial", explica.
A isto engádese a cuestión de filiación ou posicionamento político. Só no caso dos votantes de UPyD ou PSdeG, un número significativo dos seus votantes refire o español como lingua inicial, cun 53,3% e 33,2% respectivamente. Porén, no caso do PPdeG, un 62,3% das persoas que amosan a súa intención de votalos recoñece que a súa lingua inicial éi o galego. Esta estatística é superior á de calquera outra forza política: o 59% dos votantes do BNG; un 53% dos que pensan votar ao PSdeG ou un 40% dos que confiarán en Esquerda Unida.
Pois ben, se botamos un ollo ás mesmas estatísticas da enquisa poselectoral, os resultados non son moi diferentes. Por exemplo, entre os votantes do PPdeG, o 53% recoñecen o galego como lingua inicial unha variación de tan só 9,3 décimas. A isto engádense outras estatísticas que revelan que o tráfico de votos que do bipartito foron parar ás bancadas conservadoras non tiñan malestar lingüístico algún nin consideraban este factor á hora de dirixirse ás urnas.
Lingua de prestixio fronte a lingua de oportunidade
Para explicar a "caída libre" de falantes na que está inmersa a lingua galega, Bouza apela a un concepto diferente ao de lingua de prestixio. "É certo que temos un fenómeno diglósico no que se identifica un idioma cunha clase e cun prestixio social, mais iso non é de todo certo e non ofrece todas as respostas ao problema", explica. "Hai que sinalar que condutas aparentemente galegófobas no castelán-falante medio obedecen non tanto a ideas de prestixio como ás de oportunidade".
Nesa liña, subliña que actualmente o galego tamén ten certas connotacións de prestixio (fornecido polas elites universitarias e ilustradas), porén "iso non se traduce na percepción de que o noso idioma nos ofrece máis oportunidades de futuro". "A conciencia popular segue repetindo os clixés de que é necesario empregar o castelán para chegar a algo", por tanto o camiño a emprender é o de "elevar a lingua galega á categoría de lingua de oportunidade".
Bouza explica o pequeno repunte de galego-falantes nos últimos anos cos avances neste eido. "O galego gañou espazo como lingua de oportunidade en canto foi un requisito indispensábel para as oposicións", afirma. O eido público comezou a demandar un coñecemento do noso idioma e, en consecuencia, contribuíu a que adquirise unha maior categoría na conciencia cidadá. Porén, os últimos pasos dados polo actual Goberno anulando a obrigatoriedade de coñecer a nosa lingua para presentarse a uns exames públicos, levarán canda si unha previsíbel perda de falantes: actúase en sentido contrario ás políticas que favoreceron aquel repunte, é dicir, "o galego deixa de ser lingua de oportunidade".
Axenda pública e necesario consenso
Para situar o tema no seu propio contexto, Fermín Bouza insiste en que actualmente "a cuestión lingüística é irrelevante dende o punto de vista político, aínda non está na axenda pública nin a cidadanía o concibe como un problema de primeira orde". En consecuencia, adianta que "non podemos aplicar conceptos políticos" para reconducir a situación, senón técnicos: "é un erro darlle solucións políticas a un problema que non é estritamente político", insiste, "se ben ten derivacións neste ámbito". En consecuencia, Bouza alerta sobre os perigos de situar o debate na grella política. "Se vivimos este tema cunha constante tensión política, perdemos todos", afirma, "se a cidadanía comeza a percibir que detrás da batalla lingüística hai unha batalla política, a causa está perdida".
A única solución posíbel á actual situación de debate sobre a lingua é, para Bouza, o consenso. "É fundamental unha estratexia de acordo, na que primen aspectos técnicos, e que pasen porque o galego recupere o seu estátus de lingua de oportunidade, isto é, que volva ás Administracións". Esa é a mínima exixencia que considera que debería asumir o actual Goberno, outra cousa é as probabilidades de que isto ocorra e cal puidera ser a contrapartida. "Vai ser difícil contentar a todas as partes", adianta, "mais o consenso é necesario".
Ligazóns
- Programa do Seminario sobre lingua, sociedade e política en Galiza (Consello da Cultura Galega)
- Consello da Cultura Galega
- Blog persoal de Fermin Bouza (votoconbotas.trincheradigital.com)
Novas relacionadas
Comentarios (39)
O señor que asina acima é mesmo unha metáfora da actual situación. Ofrécese a posibilidade de falar nun foro de expresión galega, no que é minoritario, na fala da súa escolla.Os galego falantes levamos séculos sen poder facer tal nos foros afins a ele, nen no médico, nen no xulgado,nen ...Árdelle a gorxa de tanto berrar liberdade !
A politica galegofoba do PPdeG na miña opinion ten que ver con 3 factores:
-A chegada de UPyD e por tanto o medo a perder o voto "españolista" ou "galegofobo".
Polo contrario ainda que a maioria do seu electorado e galegofalante, pensan que non lles pasaran factura polo tema do galego.
-As aspiracions de Feijoo en Madrid. Na carreira por relevar a Rajoy. E pra iso precisa agradar con estas politicas antigalegas.
- A presions dos intereses economicos.
Desde logo non tiveron un peso tal que se vexan obrigados a tomar medidas en contra da nosa lingua para cumprir non sei qué promesas e non sei a quen. Se as toman deberán poñer outra desculpa.
Non foi a causa de ningún xeito. Ademáis calquera das manifestacións a prol do galego superou amplísimamente ás de G.B. Mesmo a propalestiniana superouna en cantidade de persoas. É normal cando o galego é o idioma propio e natural dun país
Gaviotero,
As principais manifestacións deste ano claro que foron por cuestións lingüísticas. Pero iso non quere dicir que as eleccións as gañasen polo tema lingüístico. As manifestacións eran máis ben porque dunha maneira GRATUÍTA se queren tomar medidas en contra da lingua: só porque hai mil, como ti sinalas, que lle piden iso ao goberno. Pero a maioría dos votantes conservadores non estaba pensando na lingua. Pregúntalle a Cuíña.
Supoño que cando falas das principais manifestacións políticas deste ano, refíreste ás da defensa da lingua galega, non aos mil manifestantes que dis ti de Vigo, Pontevedra ou A Coruña. Os votos destes si que poidan que fosen por motivos lingüísticos: pero erades mil, Gaviotero!
Eu tamén creo que a cuestión lingüística non foi causa do triunfo do PP. Foino a estupidez natural do electorado galego xunto coa torpe xestión levada a cabo polo PSOE e o BNG. E se a cuestión ligüística tivo algunha influencia non foi precisamente pola "imposición" do galego nin moito menos, xa que as normas sobre o uso do galego non se tomaban en serio, comezando pola propia administración. Podería ser que algo influíse a cuestión lingüística o veren os electores a incosecuencia dos que de "boquilla" eran os grandes normalizadores da lingua e na prática falaban un galego grotesco en público e en privado, na TVG e nas declaracións á prensa, o falar un galego artificial pero non polo que din algúns de que se fala un galego "aportuguesado", non, por todo o contrario: por falalo como se un madrileño de repente tivese que aprender galego nun cursiño acelerado de dúas semanas, con entoación propia de Castela e con léxico e formas sintácticas non galegos, e así sucesivamente.
Que a questão linguística não teve influência a hora do voto, e que os votantes do PP não acreditavam em que se iria mover nada da linha Fraga nesse campo, sabe-o todo o mundo até
sabe-o todo o mundo, até o talibão Rueda.
O amor à língua da Galiza do povo galego, é bastante mais grande do que acreditam os do bloco.
O que é infeliz, é que gente séria que acredita no país, ande a jogar o jogo dos talibãos e as vezes com muita boa intenção e falta de sentidinho paralela, aceitam algumas teses do talibanismo supremacista espanhol, que se percebe de jeito subliminal nos seus textos.
A Galiza necessita uma autonomia como a de Portugal já
Laura
pois claro que ten razón, aver cando aprenden os do bng que a forma de gobernar non é criticando ao pp, porque os seus votantes son votantes e tradicionalistas, menos fanfarronear e mais escoitar ao pobo!
Escutando estes "expertos" cada vez tenho mais claro. Passou o seu tempo, passou o tempo dos seus projetos, da sua mensagem, do seu consenso.
É tempo de dar passo a outra geração, a novas ideias, mensagens, fôlegos e projetos. É tempo doutras gentes mais novas, menos expertas e mais profissionais.
enfim...
#12 "¡Ay, que risa MandaCarallo! Cada uno es muy libre de engañarse como más le guste" Sí, hoo, sí...
Pois xa lle contarás esa milonga ó 62,3% de votantes do PP que falan galego, e convencelos da imposición,da liberdade e de cumplan como vos PPeeros e falen en castelan, castrapo, coruño ou a merda que cuspes o falar.
As analises do CIS son manipulación de nacionalistas resentidos, non, vos só vos fiades das pseudo-enquisas trampa os pais.
Eu escoitei que na Galiza as eleccións non se ganan, senón que se perden.
Visto asi diria que a mala imaxe de cohesión do bipartito fixoos perder (e por pouca distancia), mais non vexo unha "victoria absoluta" do PP por ningures, cun 47%, subindo moi pouco vista a merda que tiraron na campaña.
Gaviotonto no seu mundo, e Pousada sentando cátedra.
Para gañar as eleccions, empregaron o Galego e lles deu resultado, iso é a verdade, pero non para gañar votos, si non para pechar filas entorno a eles. Tiveron os mesmos votos non mais que as pasadas eleccións. O PSO-E perdou uns milleiros e o Bloque algo mais, suficientes como para perder o goberno. Pero nin o Bloque esta disolto, e agora tendría os mesmos o mais votos, e o PSO-E o mesmo, pouca variacion. Un diputada abaixo ou enriba. Perderon as eleccións por os votos que perderon, que non son para o P.P. O pensa alguen que o diputado que perdeu o Bloque, os votos foron ao P.P.? JA, JA, JA.
o PSO-E perdeu os milleiros de votos, por a crise e uns poucos de eles por as parbadas do Sr. Blonco co Galego. E o Bloque perdou os votos porque a xente do Bloque caio na trapela dos xornais Conservadores, LA VOZ, EL FARO, EL PROGRESO, etc, etc., os iates, os coches, as excursions dos vellos, tara, tarara. Ademais moitos de eles o que non perdoan é que non fixo o Goberno un pulo ao Galego. ENTENDES POUSADA?, porque o que demandan os votantes do Bloque é mais Galego.
Que dous persoeiros, Gaviotonto e D. Jose Luis, non ten outra cousa que facer que estas nas paxinas Galegas. Tiña coidado D. José Luis, que como "La Licores" se percate, pode que lle de un "present", para o nadal, e o tiña que lamentar moito.
É probábel abondo que o "galego-gate" servise só para encirrar as greas pepeiras. Tiñan niso isca na que trabar e que o goberno foi perdido polos partidos no poder e non gañado polo partido na oposición. Isto último creo que o temos todos moi claro mais o que a min, en canto á lingua me interesa é destacar as contradicións. Por exemplo: ante a crise do leite estranxeiro envasado como galego Feiraco con mois bos reflexos fixo unha campaña en galego denunciando que eles eran os únicos que vendían leite galego. Ante a boráxine de centros comerciais con hipermercado de regalo Gadis segue unha campaña con moi bos resultados en galego e non só en galego senón que incide no orgullo de ser galegos. Agora Feixoo vese na contradición de levarlles a contraria, moi ao seu pesar, aos seus xefes de Madrid no asunto das Caixas. Agora desexaría, como facía Fraga, ter o Poder e protagonisto que tiña daquela Pujol para impoñerlle a Gayoso: esto es así por mis cojones. Cando as caixas sexan sucursais da banca española haberá moito emprendedor sen un instrumento necesario para prestar e canalizar o diñeiro e entón quizais utilicen a lingua como fai Gadis ou Feiraco.
Pardo de Cela
E se de verdade fose Pousada o noso invitado? Ostiñas. Gustoume o de "La Licores". Creo que tiveran un affaire máis ben por parte dela, el seica perdeu axiña o interese. Mágoa deberían foder máis e deixarnos aos demais tranquilos.
É unha pena, pero na Galiza estamos cheos de MichaelJacksons lingüísticos, xente que abandona o seu para tentar converterse en outra cousa... Mais dádevos conta de que o Michael Jackson nunca deixou de ser un negro, pese a que o intentou. A Paco Vázquez e aos gavioteros tampouco se lle quita o acento galego, e en Madrid sempre os considerarán "galleguiños"
Calquera párvulo de 4 anos sabería que a língua non tivo peso nas eleccións do 1 de marzo. De feito, a movilización que fixo a mal chamada Galicia Bilingüe foi ridícula, non sendo capaz de xuntar nas súas manifestacións máis de 3000 ou 4000 persoas, sendo un terzo delas persoas que viñan de fóra de Galicia, e aglutinando a entidades o organizacións bastante curiosas como a AVT ou a Falange. Agora, se os pepeiros queren seguir pensando en paxariños preñados... non serei eu quen llo proíba...
Trabúcase este señor. Que non tivese un peso elevado cuantitativamente, non quere dicir que non fose determinante.
Mobilizou un número electorado suficiente para o PP, e deitou dúbidas nas clases medias urbanas que mesmo apoiaban ao BNG.
Eu persoalmente escoitei un votante do BNG que non estaba de acordo, nin él nin o seu fillo con non sei que "imposición", mesmo sen ter él problema ningún persoalmente e recoñecendo que pouco contacto co galego tivera o rapaz no seu paso polo sistema educativo, e tampouco no bacharelato.
É un exemplo dalguen que vota BNG, valora o galego, recoñece que ten pouca presenza no ensino, mais acredita no invento da imposición polo PP.
E isto non se soubo ver, desprezouse, non se atallou fenomenos como GB a tempo.
Empeñamonos en dicir que se facía máis do que realmente se facía, e alimentamos á bicha facha española, transmutada é bifida.
Tiñamos que facer máis sen o dicir. Se por exemplo non montasemos tanto ruido coas Galescolas, facendo o mesmo teriamos logrado máis a día de hoxe.
Dixen
tardarom bem em dar eu dende logo penso que onde mas se perderam foi precisamente o contrário por apoialo pouco e fazer uma politica de derreitas: cidade da cultura, moinhos eólicos, pouco ou negun apoio à pesca e criadores de gado, etc .....
Quén non probou a falar en galego a un empregado que de entrada dirixíase en castelán como lingua dominante?. O resultado é que dito traballador tiña un galego de primeira e moi superior de que faloulle en dito idioma. Se tiveramos un mínimo de orgullo (sentimento lexítimo da propia dignidade) o atranco desaparecía e falar entre nos en galego sería o normal. Pero ainda que parez doado, non o é.
Pois eu concordo totalmente com fidalgogaliza (#18). O discurso de GB-PP na questão linguistica funcionou moitíssimo, eu conheço gente a maus cheias que acreditou nel. E falo de gente de ideias progressistas, mesmo próximas ao galeguismo, que che falavam de que estavam a "impor" o galego... que afinal não foi um motivo que levara a gente em massa a mudar o seu voto? Pois talvez não, mas a vitória do PP (em escanos, que não o foi em votos) foi pírrica, e se houvo tão sequera uns milheiros de persoas que cambiaram o seu voto por isso, bem pudérom ser decissivas.
unha muller e o seu home, ambos empregados do Sergas, votaron ao PP debido ás dificultades que carrexaba o galego na aprendizaxe dos seus fillos. Nunca votaran antes ao PP e agora fixérono malia ser o PSOE o que lles convocou a oposición ás prazas en propiedade que agora teñen logo de 15 anos sen habelas, disque. Non fun quen de convencelos de que o remedio ía ser peor e que a política sanitaria do PP ía ser ven peor. Agora decántanse do que fan coas peonadas, as listaxes de espera,etc. Mesmo eu estiven a piques de quedar na casa e non ir votar e tampouco puxen moito interese en convencer aos indecisos. Ao final a política miserable do PP funcionou e convenceunos de que era o bipartito o amante do luxo e non os políticos do PP os que van aos mítins no coche oficial da Xunta. Ver para crer. Algo terá a auga cando a abenzoan.
Pregunto. Si ten dificultades nas mátematicas, tamen votan a xente ao P.P.?. Pois non. O sinto moito pero non. As dificultades serán para os que votan ao P.P. os demais non ten dificultades, polo tanto non creo que un votante do Bloque vote ao P.P. porque os seus fillos tiñan dificultades co Galego. Gañau un diputado mais o P.P. porque a dirección do Bloque deixou que a dereita manipulase a información dos xornais Castelans. Son mais críticos que no P.P.
#42, eu dixera no #7 que dúas causas había da vitoria electoral do PP: 1) A estupidez natural do electorado galego e 2) A torpe xestión do "bipartito". Pois ben, o caso que ti nos contas cae de cheo dentro do primeiro apartado. En realidade, é a estupidez o que está presente nos dous apartados, porque a maneira de gobernar de PSOE e BNG neses pasados 4 anos tivo bastante de estúpida, o cal non é de ningún xeito razón para votar polo PP, que ten os defectos habidos no bipartito multiplicados por non sei canto.
Barravaite, Xeonllo... se quase ninguém mudou o voto...!
Tudo o mais alguns, bastantes, votantes do BNG ficaram na casa e mais nada.
Se o PP não ganhou as eleições! Ganhou os deputados, isso sim... eis onde o peso dos GaBis se notou.
Ademais, dicir que co bipartito o galego era unha materia terriblemente difícil para os nenos é outra estupidez. Estudiando, como calquera outra materia, apróbase. Vaia pretexto.
O que hai que reprochar ao bipartito é precisamente a súa falta de apoio ao galego e a súa escasa esixencia no ámbito escolar, onde había, por exemplo, equipos de "normalización lingüística" onde moita xente nin sabía praticamente falar galego, e refírome ao galego normativo, claro, ao da RAG.
De todas formas, a causa profunda do voto ao PP, polo menos en xeral, non foi a cuestión da lingua como non sexa precisamente polo contrario, por promovela pouco e por non educar a xente sobre as razóns da necesidade de falar galego.
O conto da "imposición do galego" feito polo PP só ten certa eficacia unido a outras cousas que producen descontento (crise económica, non saber nin no fondo querer promocionar o galego por parte da anterior Xunta bipartita, non facer grandes melloras no SERGAS, ter unha TVG praticamente igual que antes, a ignorancia da xente, etc.).
E no fondo de todo hai unha cuestión que a xente non ten clara: o que foi o franquismo e a que intereses respondía, que é tanto como dicir o que é o PP e a que intereses responde.
Iso que dis no #25 é certo, Observador.
#28 Así que liberdade lingüística. Pero liberdade de poder escoller cursar tódalas materias en lingua galega ou liberdade de "todo en castellano menos el gallego"?
A única imposición lingüística en Galiza é a do castelán, que é unha lingua de fóra traída historicamente por decreto, poloa forza, especialmente desde os Reis Católicos. Non esquezamos iso, que aquí xa tiñamos idioma nesa época, e non se precisaba do castelán. ¿Alguén lles pediu permiso aos galegos nese momento para implantar en Galiza unha lingua allea?
Mcnally,
Isto xa está moi debatido outras veces.
Admitamos que os votos de GB serviron para gañar as eleccións, porque tampouco foi moita a diferenza coa suma dos votos dos outros dous partidos. É que? Pensades que eses poucos votos van condicionar ou deben condicionar a política lingüística da Xunta? É dicir, o resto dos galegos, para que vós non cambiedes o sentido do voso voto vanse ver chantaxeados polas vosas pretensións? Dádesvos demasiada importancia, Mcnally. Despois estades sempre coa leria esa de que en España as minorías nacionalistas condicionan a política do Estado. E aquí vós, un grupiño moi minoritario(GB), pretendedes condicionar a política lingüística da nosa terra! Aterrizade, Mcnally!, estades sós.
Uxiovillamar,
O problema está en qué consideramos "convivencia normal". Se por convivencia normal se entende, Uxío, que os galegofalantes temos que renunciar ao noso idioma e aos nosos dereitos, como fixemos sempre, entón ao mellor si que hai convivencia normal, pero tamén ao mellor é unha convivencia que nós non queremos.
Uxío, por que non probas a esixirlle a un xuíz que che escriba en galego?, por que non fas o mesmo coas forzas de seguridade, co exército...? Por que non vas a un quiosco e probas a comprar varios xornais en galego?, por que non probas a sintonizar varias emisoras de radio en galego?...Esa é a convivencia normal que queres ti? A ti xa che chega para o galego con isto? A min non, Uxío.
Ti dis que as imposicións terminaron. Que ían terminar! Lévannos impoñendo o castelán dende hai séculos(e sobre todo na escola), e se nós levantamos algo a cabeza, queren volvernos dar nela para que nunca nos deamos levantado.
Non hai convivencia normal, Uxío, mentres non haxa unha igualdade real entre as dúas linguas. Algo difícil, xa que a desiguadade de trato xa parte das leis: non hai o deber de coñecer o galego. Polo tanto, en caso de que haxa convivencia sempre vai ser porque nós renunciamos.
(Só unha curiosidade: ti dis que as imposicións terminaron. En caso de que o decreto diga que hai que dar Sociais en galego, chamaríaslle imposición ou non?)
"uxiovillamar",
"O borrador do decreto vaise presentar a todos os axentes implicados antes de que remate o ano"
Por exemplo, cinco minutos antes das doce badaladas? E se nos atragantamos?
Uxío, sabes de sobra que nas datas ás que nos aproximamos(exames, festas...), non hai demasiado tempo para presentacións nin peticións de man. Xa non queda tempo para a voda, Uxío.
Hai que esperar para tempos máis tranquilos, ou non?
Se é que o problema é que non queremos aprender a facer política.
Non se pode ir con todas as cartas sobre a mesa cando os demais ocultanas, din unha cousa e fan outra. Nós non, como somos bos, xenerosos e posuidores da VERDADE andamos a facer o parvo no canto de facermos política.
A sociedade de 2009 non é a de 1997. A sociedade está segmetada desde o punto de vista político, xa non serven mensaxes xerais para que cheguen a tod@s, compre facer discursos específicos para cada un deles. E iso o PP faino moi ben, analisa cada segmento e despois elabora un discurso diferente e mesmo contraditorio para cada un, de xeito que logra apoios de sectores sociais con intereses antitéticos.
Como non aprendamos a facer isto non lograremos recuperarmos o nacionalismo. Desde o punto de vista electoral claro.
Agora xa non chega a mobilización social, nunca foi suficiente, mais agora menos ainda.
Se non conseguimos chegar a un segmento social, farano outros.
A mocidade, por exemplo. De que serven tanta organización e colectivo se so chega a un 1% e non logra saian de ese circulo pechado de moi concienciados. De que serve?!
E co galego évos o mesmo. Non se pode dar o mesmo discurso para todos, non serve e mais cando outros si elaboran especificamente para cada quen.
Dixen
...Non so temos que fixarnos en a quen apoiamos nun discurso e nunha proposta. Debemos ter en conta a quen pisamos os calos, saber como poden reacciónar e qeu poden facer para prexudicarnos.
E tan importante calcular os intereses que defendes como avaliar os inimigos que creas.
Porque pasa o que xa ocorreu. Cunha política transformadora, que están tentando desmontar pedra a pedra, non consegues concitar máis apoios porque calculaches mal (ou non o fixeches) as forzas que provocaches na túa contra. E iso pasou coa lingua e en case que todos os eidos do goberno.
Valoro muito o trabalho que está a fazer o Fermín no seu blogue El voto con botas, em Madrid e com um público potencial diferente, mas não concordo com a análise da "despolitização" do problema da língua, nesta formulação ou enquadramento. Brevemente: se as línguas são instrumentos de ascenso social ("oportunidade" mais "prestígio"), é evidente que projetos políticos (gestão do capital) específicos, ligados a interesses sectoriais, estão ligados também aos "seus" partidos. Poderá haver "consenso" "despolitizado" na aplicação de certas medidas de promoção pública do idioma com poucas consequências na transmissão intergeracional do galego; mas não pode haver "consenso" num projeto de dotar o galego de capital que CAPACITE as pessoas (as classes baixas) para ascender e quitar-lhes chiringuitos de poder económico aos mangantes atuais, isto é, no projeto de fazer do galego língua nacional do capital, controlado por elites próprias com lealdades internas (BNG). Não é o meu projeto, mas é polo que as elites político-partidárias estão a lutar.
home,eu creo que nadie con un chisquiño de intelixencia creu nunca na patraña do factor "galego" como decisivo
ademáis non esquezamos que máis xente estivo en contra do pp que a favor
gañaron por dúas cousas:1. porque si
2. por desgraza
Seguid engañándoos. Ya lo hacíais antes del 11-M y presagiabais el gran descalabro de Zapatero, y ahora tenéis a Mariano de maricomplejines en la COPE. Vosotros veréis. La cuestión de la ocupación de Irak caló entre el electorado urbano y fue determinante. Especialmente entre muchos votantes del PP que o bien se abstuvieron o bien se pasaron al PSOE (sin despreciar los cuatro gatos de UPyD)
Pero vosotros, siempre tan enajenados, no queréis ver la realidad que no os gusta. Pues seguid así. Dentro de cuatro años, más PSOE, más bilingüismo, más Libertad
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto