Vieiros

Vieiros de meu Perfil


Edición xeral

RSS de Edición xeral
FALLO

O sociólogo Manuel Pérez Rúa gaña o Premio de Ensaio Ramón Piñeiro

A obra “Retrato da Xeración de 1950” analiza o cambio social que trouxo a Galiza a transición á democracia.

Redacción - 18:03 10/12/2009

A través de trinta voces diferentes, o sociólogo Pérez Rúa peneira unha visión da transición democrática en Galiza. Para iso bota man dos mozos que naquela hora protagonizaron o cambio. De aí que a obra leve por título “Retrato da Xeración de 1950”. O secretario do xurado, Carlos Lema, explicou que o tribunal do Premio de Ensaio Ramón Piñeiro valorou a “orixinalidade” e o enfoque de “historia oral” que narra o cambio dunha Galiza eminentemente rural a unha máis urbana.

O propio autor do traballo premiado subliña que conversou con 30 persoas diferentes e que posteriormente configurou a obra como unha crónica. O libro debulla historias comúns que axudan a dar unha visión máis plural do acontecido no último medio século.

O premio, que convoca a Secretaría Xeral de Política Lingüística, a Editorial Galaxia e Unión Fenosa, consiste en seis mil euros e a publicación da obra.


3.67/5 (3 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: