Vieiros

Vieiros de meu Perfil


Edición xeral

RSS de Edición xeral
CONSECUENCIAS DO GRAN TERREMOTO

No medio do caos, Haití lanza un SOS á comunidade internacional

O presidente do país cualifica a situación de “inimaxinábel” e fala de milleiros de mortos.

Redacción - 17:17 13/01/2010

O terremoto que na noite do martes sacudiu Haití revélase, co paso das horas, unha verdadeira catástrofe humanitaria. O presidente deste país, René Préval, estimou que o sismo de 7,3 graos deixou tras de si milleiros de mortos, aínda que admite que non pode dar cifras concretas debido ao caos, especialmente grave na capital, Porto Príncipe.

Moitos Hospitais, escolas e incluso o propio Parlamento son simples ruinas. Aos numerosos mortos hai que sumar outros milleiros de persoas que están atrapadas no edificios. Os centros médicos que seguen en pé están completamente desbordados, tal e como recoñeceu o goberno.

Haití demanda axuda urxente da comunidade internacional (principalmente sanitarios, enxeñeiros e outro persoal técnico). O secretario xeral da ONU, Ban Ki-Moon, alertou da excepcionalidade da situación e instou aos países a enviar recursos humanitarios.


5/5 (3 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: