Vieiros

Vieiros de meu Perfil


Edición xeral

RSS de Edición xeral
All-American Basketball Alliance

Crean unha liga de baloncesto só para estadounidenses 'brancos'

O responsábel da competición afirma "non odiar ninguén 'de cor'", mais di que agora "a xente 'branca' son minoría".

Redacción - 10:45 24/01/2010

Unha ducia de cidades dos EUA poderían acoller a partir deste verán unha liga de baloncesto exclusiva para xogadores 'brancos', segundo informou esta semana o xornal Augusta Chronicle e recolleron diversos medios internacionais. A All-American Basketball Alliance -ese é o nome previsto- tamén restrinxirá a participación os xogadores nados fóra do país norteamericano.

O máximo responsábel da competición, Don Moose Lewis, afirmou "non odiar a ninguén 'de cor'". Porén, argumentou, que "a xente 'branca', cidadáns nacidos nos EUA, están actualmente en minoría". Xa que logo, dixo, a All-American Basketball Alliance sería "unha liga para que os os brancos xoguen o baloncesto clásico, que é do que gostan", en troques do "street-ball" xogado por "xente 'de cor'".

"Quererías ir os partidos preocupado por que un xogador che ensine o dedo medio, que te ataquen desde o público ou agarrándose as partes?", declarou. "Esa é a cultura de hoxe en día, e nun país libre deberíamos ter o dereito a nos mover nunha mellor dirección".

Neste senso, sinalou un incidente recente na NBA: a suspensión indefinida do popular xogador Gilbert Arenas, dos Washington Wizards, por sacar un arma no vestiario algo que para Lewis exemplifica e xustifica o descontento dos afeccionados coa maneira en que funcionan os deportes profesionais.

A idea é que o campionato arranque en Atlanta, unha das tres poboacións con maioría de cidadáns 'negros' dos EUA, e que inclúa outras once cidades da Rexión Sueste, tales como Jacksonville e Miami (Florida), Charlotte (North Carolina) ou Memphis e Nashville (Tennessee).


3.4/5 (5 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: