Vieiros

Vieiros de meu Perfil


Máis Alá

Xestionado por Vieiros
RSS de Máis Alá
'Subbuteo'

Fútbol de mesa: a outra selección galega

Un colectivo pretende recuperar un equipo propio deste xogo, que tivo a súa época dourada na década dos 80.

Redacción - 09:00 03/02/2010
Foto: Subbuteo Galicia

Foto: Subbuteo Galicia

Hai outra selección galega de fútbol da que non se fala tanto. É a selección de fútbol de mesa, tamén coñecido como 'subbuteo', un xogo que se practica con futbolistas en miniatura sobre un taboleiro e que, de seguro, moitas persoas lembran.

Toda a actividade do fútbol de mesa galego centralízase arredor do blog Subbuteo Galicia, que pretende fomentar o deporte no país e representalo dentro da Asociación de Fútbol de Mesa (AFM) a nivel estatal. De feito, xa existiu un club galego desta categoría, o Folerpa da Coruña, fundado en 1982.

O xogador galego máis nomeado na bitácora é Santi R: Escudero, que forma parte do equipo valenciano AFT Turia 1981. Este xogo, do mesmo xeito có fútbol tradicional, conta coas súas ligas e competicións. Ten a súa propia federación internacional, que marca as súas regras de xogo e o seu nome oficial, fútbol de mesa, pois Subbuteo é unha marca comercial do xogo e a denominación máis estendida en moitos países.


5/5 (12 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: