Vieiros

Vieiros de meu Perfil


Edición xeral

RSS de Edición xeral
Conflito no País Vasco

Interior anuncia a detención do suposto máximo responsábel de ETA

Ibon Gogeascoechea Arronategui e outras dúas persoas foron apresadas este domingo pola mañá na Baixa Normandía, en Francia.

Redacción - 13:15 28/02/2010
Ibon Gogeascoechea

Ibon Gogeascoechea

Na mañá deste domingo procedeuse á detención de tres supostos membros de ETA, entre estes o considerado máximo dirixente Ibon Gogeascoechea Arronategui, xunto a Beñat Aguinagalde Ugartemendia e Gregorio Jiménez Morales na pequena localidade francesa de Cahan, ao sur de Caen, na Baixa Normandía, segundo informou o Ministerio español do Interior.

Gogeascoechea permanecía fuxido desde novembro de 1997. É integrante do chamado K-KATTU que intentou un atentado contra o Museo Guggenheim de Bilbo cando se preparaba para a inauguración polos reis españois, e matou un membro da Ertzaintza.

Aguinagalde, fuxido desde o pasado mes de marzo, é integrante do chamado K-ASTI e suposto autor dos asasinatos de Isaias Carrasco e Ignacio Uria. E Jiménez, fuxido hai cinco anos, supostamente formaba parte dun comando encargado de traslado de material, en concreto dos mísiles para atentar contra o ex presidente do goberno español Jose María Aznar.


5/5 (3 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: