Vieiros

Vieiros de meu Perfil


Máis Alá

Xestionado por Vieiros
RSS de Máis Alá
Sétima edición

Un artigo sobre a lingua recibe o premio Fernández del Riego de Xornalismo

O texto de Alberto Pena Rodríguez publicouse no Diario de Pontevedra. Caixanova concedeulle o premio en castelán a Ángela Vallvey.

Redacción - 18:15 02/03/2010
O xurado deu a coñecer os gañadores en Pontevedra

O xurado deu a coñecer os gañadores en Pontevedra

O xurado dos Premios de Xornalismo Caixanova deu a coñecer este martes os gañadores da XXXI edición do premio Xulio Camba e da VII do premio Francisco Fernández Del Riego. Nun acto que se deu a coñecer na cidade de Pontevedra, desvelouse que Alberto Pena Rodríguez foi agraciado coa distinción ao mellor artigo en galego, mentres que Ángela Vallvey Arévalo recibirá o galardón en castelán.

'Cousas da lingua' é o título do texto escrito por Pena Rodríguez, e publicado no Diario de Pontevedra do 29 de decembro de 2009, que recibirá o Francisco Fernández del Riego, dotado con 12 mil euros. O outro artigo premiado, co Xulio Camba, foi 'La soledad', que se imprimiu na edición do 26 de novembro de 2009 do xornal madrileño La Razón.

O xurado estivo integrado polo presidente de Caixanova, Xulio Fernández Gayoso; polo escritor Alfredo Conde, que presidiu o tribunal, e mais por Víctor Fernández Freixanes, Manuel Fernández Areal e Carlos Valle Pérez.

Á selección final desta convocatoria chegaron 55 traballos, 39 en castelán e 16 en galego. Oito deles recibíronse por unha nova modalidade introducida este ano, que permitiu que institucións públicas ou privadas presentasen as súas propostas e candidaturas, ademais dos propios autores.

  • Poden ler aquí o artigo publicado en Diario de Pontevedra


3.86/5 (7 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: