Vieiros

Aínda que os resultados provisionais non se comezarán a coñecer deica esta quinta feira, os primeiros datos difundidos polas axencias internacionais indican que a formación do primeiro ministro, Nuri Al Maliki, gañaría as eleccións parlamentarias na metade das 18 provincias Iraq.

Comicios que se desenvolveron desde o pasado venres baixo a custodia duns 800 mil efectivos do Exército e a Policía iraquís (a diferenza das de 2005, cando o fixeron soldados dos EUA). Precisamente, as tropas do país norteamericano comezarán a súa retirada a partir do mes de agosto que culminará a finais de 2011.

Forzas da resistencia afgá, que os países ocupantes vinculan con Al Qaeda, provocaron a morte de 38 persoas en varios ataques, informan os medios estranxeiros. Porén, o electorado respondeu positivamente á chamada das urnas. Segundo informou a chamada Comisión Electoral Independente, a cifra alcanzou o 62,4%.

Minoría kurda decisiva
A hexemonía dos xiís, grupo étnico maioritario co 60% da poboación iraquí, non está en cuestión. No entanto, os sunís agardan o seu retorno á escena política, e a minoría kurda volverá ter un papel determinante á hora de elixir o próximo goberno, xa que só eles poden garantir unha coalición estábel.


Máis información:

• Al Jazeera: High turnout in Iraq election 

• BBC News: Iraq election turnout 62%, officials say