Vieiros

Vieiros de meu Perfil


GZ-Deportiva

Xestionado por Vieiros
RSS de GZ-Deportiva
Derbi no básquet galego

O Ourense espanta a poza a conta do Breogán

Por un só punto (64-63) foron quen de gañar os ourensáns na LEB. Mentres, o Obradoiro complica a permanencia na ACB cunha derrota co pechacancelas.

Redacción - 09:00 29/03/2010

Partido cheo de tensión este domingo en Ourense, onde o Breogán visitaba a cancha do Auga de Sousas. Ao final do partido: 64-63, cun intento de remontada dos lugueses que non deu froito ao final. Con seriedade defensiva e rapidez no ataque labraron os ourensáns o seu espazo no partido marchando con lixeira vantaxe ao descanso e prognosticando vitoria fácil avanzado o terceiro cuarto.

Mais no treito final apertou o acelerador o conxunto visitante que mesmo no fío do parón do cronómetro conseguía poñerse por diante. Unha tripla de Ogirri pechou o marcador nas marcas finais e o balón aínda lambería o aro ourensán sen éxito. Co Cidade de Vigo como pechacancelas da categoría logo dunha nova derrota na casa, o Augas de Sousas mete distancia coa zona baixa mentres o Breogán permanece na zona media.

Na ACB complica a permanencia o Obradoiro que esta fin de semana non foi quen de defender a súa cancha xustamente diante da visita do pechancancelas da máxima categoría, o Murcia. Os murcianos marcharon cunha vitoria (67-79), dominando o combate, aínda que por estreita marxe, durante todo o partido.


3.5/5 (2 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: