Vieiros

Vieiros de meu Perfil


Máis Alá

Xestionado por Vieiros
RSS de Máis Alá
Camiñada

Contra vento e marea: nos vieiros do Courel, por Uxío Novoneyra

A asociación Amigos de Uxío Novoneyra homenaxea este domingo ao poeta, chuvia mediante, e co rexeitamento da Xunta a pagar a instalación dun pequeno palco.

Redacción - 10:00 09/05/2010
Novoneyra, no Courel

Novoneyra, no Courel

Varios centos de persoas participan este domingo na homenaxe-camiñada a Uxío Novoneyra no Courel, que organiza a asociación Amigos de Uxío Novoneyra coa colaboración de diversos colectivos. Entre estes, os alumnos do colexio de Seoane do Courel, a familia do poeta, asociacións cívicas da comarca, o Concello ou a Deputación de Lugo.

A chuvia, contemplan desde a organización, pode condicionar os diversos actos previstos que de ser forte de máis serían trasladados ao Colexio da Ferrería de Seoane. As inclemencias do tempo non son a única traba que afronta a homenaxe. Desde a asociación critican que a Xunta “rexeitou pagar a instalación dun pequeno palco alegando falta de fondos”.

Ás 11.00 horas dará comezo a camiñada desde a Ferrería con destino a Parada (lugar natal do poeta), un percorrido de tres quilómetros. A chegada calcúlase para as 13.00 horas e inclúe paradas para recitar poemas de Novoneyra e outras actuacións.

Será a partir desa hora que comece o acto de homenaxe, xunto a casa natal do poeta, coa intervención de músicos e cantautores e as achegas do público. As 15.00 horas, unha ofrenda floral por parte dun grupo de escolares do Courel porá punto e final á xornada.


4.73/5 (15 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí:



Varias fotografías do poeta tiradas da web da asociación Amigos de Uxío Novoneyra
Varias fotografías do poeta tiradas da web da asociación Amigos de Uxío Novoneyra