Vieiros

Vieiros de meu Perfil


Edición xeral

RSS de Edición xeral
ACTO SIMBÓLICO

Cerceda será o primeiro municipio galego “100% libre da SGAE”

A vila da comarca de Ordes celebra o vindeiro sábado a XVII edición do seu Festival Rock con debates centrados na cultura libre.

Redacción - 12:05 10/05/2010
Commonsbaby.com, referencia na divulgación da música libre

Commonsbaby.com, referencia na divulgación da música libre

Temos concellos que xa se declararon simbolicamente libres de transxénicos, de tourados...pero Cerceda vai ser o primeiro que se “independice” da Sociedad General de Autores y Editores (SGAE). O acto vai ter lugar o vindeiro sábado 22 de maio coincidindo coa XVII edición do Festival Rock que este ano ten como tema central a Cultura Libre.

A xornada abrirase cunha mesa redonda que terá lugar ás 18.30 horas baixo o lema de “Bens culturais de uso común”. Na mesma tomarán a palabra a xornalista María Yáñez; Francisco Alvarellos e Xaquín Riera (socios da Casa de Música); Uxío Broullón (creador da plataforma commonsbaby.com); Samuel L. Paris, autor do libro de poemas Manual da destrución, editado baixo licenza creative commons; o cantautor Leo i Arremecághona, que distribúe o seu traballo con licenza libre; e o cercedense Martín Loureiro, membro do grupo Machina.

Durante toda a xornada, os bares da capital cercedense non pincharán ningunha música que estea suxeita á SGAE. Dende a asociación cultural Lucerna, organizadora do festival, informarán nos días previos sobre o sentido da reivindicación.

A partir das 22 horas, logo da lectura do manifesto polo cal se declara a vila zona libre da SGAE, comezará o concerto no que participará as bandas 12 Labirinto, Nao, Fracasados de Antemano, O Leo i Arremecághona e Selectah in Helicopta +Gendebeat.


4,83/5 (23 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: