Vieiros

Vieiros de meu Perfil


Edición xeral

RSS de Edición xeral
Conflito en Oriente Próximo

Israel apúntase unha valiosa vitoria internacional co seu ingreso na OCDE

Malia a oposición palestina, conseguiu ser aceptado no exclusivo clube das economías máis prósperas do mundo.

Redacción - 12:00 11/05/2010
Gurría, secretario xeral da OCDE

Gurría, secretario xeral da OCDE

Israel apuntouse este luns unha inesperada e importante vitoria diplomática logo de conseguir ser aceptado na Organización para a Cooperación e o Desenvolvemento Económico (OCDE), o exclusivo clube das economías máis prósperas do mundo alcumado clube dos países ricos.

Israel, malia a firme oposición palestina, estaba ligado á OCDE desde 2002 dentro do grupo de países observadores non-membros, e en 2007, o Consello ministerial do organismo comezou a analizar o seu acceso como membro de pleno dereito, xunto co de Chile, Eslovenia, Estonia e Rusia.

A OCDE, con sede en París, considera que Israel, ademais de Estonia e Eslovenia, reúnen na actualidade os requisitos específicos de ser economías abertas e desenvolvidas. Unha vez se faga oficial, os integrantes do clube pasarán de 31 a 34. Os EUA apoiaron con forza o ingreso de Israel.

Actuación incongruente da OCDE
Os tres novos integrantes "contribuirán a unha maior pluralidade e apertura da OCDE, que desempeña un papel cada vez máis importante na arquitectura económica global", sinalou nnunha declaración recollida por axencias o secretario xeral do organismo, o mexicano Angel Gurría.

Gurría, durante unha visita a Israel hai tan só uns meses, expresara a súa preocupación sobre os altos niveis de pobreza e desemprego rexistrados principalmente entre as poboacións minoritarias árabes en territorio israelí. Porén, non parece ser unha eiva para o ingreso israelí ao organismo.


1.67/5 (6 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: