Vieiros

Vieiros de meu Perfil


Máis Alá

Xestionado por Vieiros
RSS de Máis Alá
Promovida por varias asociacións do país

Cen anos de Carvalho Calero nunha soa web

Este sábado preséntase en Compostela unha páxina informativa e conmemorativa do centenario do nacemento do histórico intelectual galeguista.

Redacción - 10:00 15/05/2010

A biblioteca Ánxel Casal, na capital do país, será escenario da presentación pública -este sábado ás 12.30 horas- da web informativa e conmemorativa do centenario do profesor Ricardo Carvalho Calero (Ferrol, 30 de outubro de 1910 - Compostela, 25 de marzo de 1990), www.carvalhocalero2010.net.

No acto, informa o Portal Galego da Língua, participarán o responsábel da páxina, José Tubio, e mailo presidente da Associaçom Galega da Língua, Valentim Rodrigues Fagim. Precisamente, AGAL é unha das asociacións impulsoras deste proxecto, xunto coa a Mesa pola Normalización Linguística, a Fundaçom Artábria, a Associação Cultural Pró-AGLP, o LS Aturuxo, o CS Gomes Gaioso e o Instituto Cultural Brasil-Galiza.

Na web pódese encontrar unha completa biografía e a bibliografía de Carvalho Calero, así como citas do autor, mediateca e información sobre as actividades que as entidades promotoras realizan durante este ano 2010 sobre a obra do primeiro catedrático de lingua galega da nosa historia, alén de Fillo Ilustre da Galiza, segundo foi recoñecido polo Parlamento en 1996.


4.58/5 (19 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: