Vieiros

"Quero que a lingua catalá estea en situación de igualdade cando menos con outras linguas de igual peso demográfico, que non teña que pedir perdón nin permiso por existir, que sobreviva á globalización uniformizadora". Sen pelos na lingua falou o creador Jaume Cabré á hora de recibir esta semana o Premi d'Honor de les Lletres Catalanes.

Cabré expresou o seu apoio á arela dunha Cataluña independente e referiuse ao ciclo de consultas populares que teñen lugar os últimos meses naquel país, censurando que España "prohiba que a xente poida expresar a súa opinión sobre este tema". Por outro lado, criticou os que "rin" cando se lles di que a literatura catalá, subliñou, "é sólida e pode pasear polo mundo". E mesmo tivo tempo para reprochar os "acríticos eloxios" que na súa opinión recibiu o recentemente finado Samarach.

• Recomendámoslles ampliar en Vilaweb