Vieiros

Vieiros de meu Perfil


Lusofonía

Xestionado por Vieiros
RSS de Lusofonía
CULTURA ANDALUZA

Flamenco e sevillanas no Centro Galego de Lisboa

Na axenda formativa do centro, que recibe fondos da Xunta de Galiza, ofrécense estes cursos, ao carón doutros de salsa ou danza galega.

Redacción - 11:45 22/06/2010

O flamenco, as sevillanas ou a salsa son algunhas das ofertas formativas que ofrece o Centro Galego de Lisboa, entidade que reúne os galegos asentados na capital portuguesa e que conta xa con máis de 100 anos de historia. O exemplo do Centro Espanhol de Santos no Brasil, que publicaba Vieiros en febreiro, non é único e o centro luso sumouse á oferta formativa en cultura flamenca.

Segundo confirman no seu propio blog as Xuventudes do Centro Galego de Lisboa, as actividades lúdicas e formativas están patrocinadas “en gran parte pola Xunta de Galiza”. Precisamente, o presidente da Xunta, Alberto Núñez Feijoo, visitaba este centro no pasado mes de xaneiro, visita na que reivindicaba o “vencello histórico, económico e cultural entre Galiza e Portugal”.

Ao carón destes cursos que pouco teñen que ver coa cultura galega, ofrécense outras materias como danza galega, gaita de fol ou cantareiras e pandereteiras.


Ligazóns

3.29/5 (7 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: