Vieiros

Vieiros de meu Perfil


Edición xeral

RSS de Edición xeral
A nova Xunta négalle as axudas

Suspéndese o 'Constantino Bellón' de gaita por falta de apoio institucional

Desde o Ateneo Ferrolán din que traballarán para organizar a vindeira 20º edición deste concurso internacional en agosto de 2011.

Redacción - 09:30 24/06/2010
Foto: José J. Presedo

Foto: José J. Presedo

A loita pola supervivencia do Concurso Internacional de Gaita Galega Constantino Bellón, que promove o Ateneo Ferrolán, non ten paraxe. Xa en 2009, por vez primeira na historia, non se puido organizar en agosto. Unha parte tivo que ser adiada a novembro dese ano, e outra segunda a marzo de 2010.

Daquelas, a Secretaría Xeral de Emigración decidiu retirar o apoio económico, que anteriores gobernos viñeran dando desde había anos. Un diñeiro que se investía na participación de catro artistas das comunidades galegas do exterior, mais que actualmente a Xunta se nega a pagar alegando razóns de "austeridade".

Finalmente, explica o presidente do Ateneo Ferrolán, Eliseo Zaera, unha axuda do Concello de Ferrol -que "tamén apoiará" a publicación "en breve" da gravación do último certame- e da Deputación da Coruña fixo posíbel a XIX edición Constantino Bellón.

Repítese de novo a situación coa XX edición. Ademais dos "recortes orzamentarios", do "abandono dalgúns apoios institucionais" e da "tardanza en recibir resposta das entidades" ás que solicitaron axuda, hai que ter en conta o "escaso marxe de tempo dende o remate da XIX edición".

Todos estes condicionantes "imposibilitáronos para desenvolver en tempo e forma a convocatoria para este 2010. Traballaremos para levar a cabo a próxima XX edición do Constantino Bellón nas datas de sempre no ano 2011", aseguran desde o Ateneo.


4.2/5 (5 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: