Vieiros

Vieiros de meu Perfil


Máis Alá

Xestionado por Vieiros
RSS de Máis Alá
Escoita en exclusiva a banda do actor galego

Luis Tosar faille homenaxe musical ás mulleres

‘The ellas’, (pronunciado ‘di ellas’), dicían os poucos carteis que anunciaban a posta de largo en Vigo da nova formación liderada por Luís Tosar. Vieiros achégavos vídeos e mp3 con mostra da potencia do grupo.

G. García - 15:05 08/03/2007
Tosar lidera un grupo de versións de temas popularizados por mulleres

Tosar lidera un grupo de versións de temas popularizados por mulleres

Dicía Luís Tosar estes días na prensa viguesa que esperaba sorprender co seu novo e grupo, e así foi. A Fábrica de Chocolate quedouse sen papel para acoller a actuación de The Ellas, a particular homenaxe á muller do lugués.

Coincidindo coa celebración do Día Internacional da Muller, o actor lugués presentou na noite do mércores e ante un entregado publico todo un repertorio de cancións escritas ou popularizadas por mulleres.

E dicimos que sorprendeu porque Tosar tennos pouco acostumados a ver a súa faceta máis feminina. Aínda que sen perder a virilidade na súa particular voz, o gañador de dous Goyas interpretou excepcionalmente temas de Abba, Alanis Morriste, The Bangles, Alaska ou Garbage.

Todo isto acompañado por vellos coñecidos da escena musical galega: Piti Sanz, Iván Laxe, Suso Alonso e Ro Muñoz. Sen dúbida, unha escolma dos mellores instrumentistas da provincia de Lugo. Os cinco, cunha estética de informáticos da Nasa dos anos 60, tinguiron sen pudor de toques rock e punk composicións de sobra coñecidas para o público.

Escoita parte do directo no novo Vieiros

Aínda que recoñece que non está “moi conectado” a internet, Luís Tosar non quixo perder a ocasión de felicitar a Vieiros e os seus lectores pola nova etapa que comezamos este xoves. Así, The Ellas ofrecéronnos en exclusiva tres cancións do seu concerto deste mércores en Vigo.

O himno para as post rupturas emocionais ‘I will survive’, popularizado por Gloria Gaynor; o ‘hit’ de 1986 ‘Walk like an egyptian’ de The Bangles; e o ‘Cómo pudiste hacerme ésto a mi’ de Alaska y Dinarama. Tres cortes que ben amosan a contundencia e garra de ‘The Ellas’ sobre as táboas.

  • Walk like an egyptian (mp3)
  • I will survive (mp3)
  • ¿Cómo pudiste hacerme esto a mi? (mp3)


4.64/5 (25 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí:



http://media.vieiros.com/vieiros/tosar/tosar_walk.flv

Ferve o escenario con "Walk like an egyptian"

http://media.vieiros.com/vieiros/tosar/tosar_como_pudiste.flv

Tosar canta "Como pudiste hacerme esto a mi"

Tosar interpretando 'Walk like an egyptian'
Tosar interpretando 'Walk like an egyptian'
Piti Sanz, vello coñecido da escena musical luguesa
Piti Sanz, vello coñecido da escena musical luguesa