Vieiros

Vieiros de meu Perfil


Edición xeral

RSS de Edición xeral
Desembocaría nun referendo en 2010

O primeiro ministro escocés presenta o seu plan para a independencia

Segundo unha enquisa do Daily Mail, o 31% da poboación votaría a favor da creación dun estado soberano.

Redacción - 09:30 14/08/2007
Alex Salmond, co documento que recolle o plan de independencia para Escocia

Alex Salmond, co documento que recolle o plan de independencia para Escocia

Alex Salmond, primeiro ministro escocés, xa afirmara logo de gañar as eleccións en maio, que durante os primeiros cen días de goberno presentaría o seu plan para facer de Escocia un estado soberano.

Este martes está previsto que faga público o informe, de sesenta páxinas, Decidimos o futuro de Escocia: responsabilidade e independencia no mundo de hoxe', que estabelece as bases para comezar a negociar co Reino Unido. O obxectivo de Salmond é convocar un referendo de independencia no ano 2010

Nos pasados comicios ao parlamento, o SNP, o partido nacionalista de Salmond, superou por primeira vez ao Partido Laborista en número de escanos (47 a 46), un grande triunfo do arredismo en Escocia.

48% de apoio social ao SNP

Nestes primeiros cen días de goberno, a formación de Salmond incrementou quince puntos as expectativas de voto, segundo unha enquisa do instituto Progressive Scottish Opinion realizada para o diario Daily Mail, que lle dá o 48% de apoio social. Esta mesma sondaxe tamén di que o 31% da poboación votaría a favor de la independencia.

O SNP goberna en minoría mais ten o apoio dos Verdes, tamén arredistas. Pola contra, o Partido Laborista, o Partido Liberal e o Partido Conservador xa comezaron a facer campaña contra a independencia.


4.57/5 (14 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: