Vieiros

Vieiros de meu Perfil


Edición xeral

RSS de Edición xeral
Na liña da información de El Mundo

Rajoy corrixe o PPdeG e opina que o himno non é importante

"Todo iso non lle importa a ninguén", comentou o presidente do PP, citando ademais do himno a proposta para a galeguización de lápidas ou o posíbel axuste da hora galega ao fuso horario correcto.

Redacción - 13:00 23/08/2007
Tags: himno PP Rajoy

"Eu creo que o máis importante en Galiza é que os nenos estuden inglés dende os tres anos, que se familiaricen coa sociedade da información e as novas tecnoloxías dende a idade máis temperá, que saiban moitas ciencias, moitas matemáticas e que teñan un modelo educativo esixente, porque se non, estarémoslles a enganar", declarou o líder do Partido Popular nunha entrevista para a axencia Europa Press.

Mariano Rajoy considerou así intranscendente a posibilidade de que rapaces aprendan o himno nas escolas, idea que na súa opinión "non lle importa a ninguén". Así, Rajoy destacou o inglés e as novas tecnoloxías como prioridades que lles "permitirán aos nenos triunfar na vida e que o seu país mellore". Paradoxalmente, esta mesma semana, desde a dirección do PPdeG, o vicesecretario xeral da formación, Diego Calvo, aínda comentando que o executivo debera fixarse noutras prioridades, recoñecía ao igual que o vicepresidente da Xunta, Anxo Quintana, que o PPdeG considera que o himno "debe ser coñecido por todos".


1.75/5 (12 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: