Vieiros

A Asociación Puntogal organiza en Santiago unha xuntanza das organizacións que buscan que a ICANN, o ente que controla os dominios de internet, aprobe novos identificadores lingüísticos e culturais. Na xuntanza deste fin de semana estarán presentes, ademais da asociación galega, as candidaturas para o galés e o bretón.

Reunión da ICANN en outubro
Con esta reunión Puntogal quere “abrir liñas de diálogo e poñer en común ideas e propostas de para consolidar estas candidaturas diante da ICANN”. E é que o vindeiro 22 de outubro comeza en Los Ángeles un novo cumio deste ente, no que se tratará a posíbel apertura do proceso de novos dominios durante 2008.

De cara a ese proceso, ao Puntogal pode resultarlle útil facer fronte común con outras candidaturas de tipo lingüístico, fronte a iniciativas puramente comerciais. E que, debido ao éxito do Puntcat, a ICANN superou os seus medos a creación de novos identificadores de carácter cultural.

Mentres tanto, Puntogal segue recabando apoios dentro do país. Esta semana asegurouse o respaldo de todas as forzas parlamentarias. Os internautas tamén poden contribuír asinando en liña, algo que xa fixeron máis de 6.700 persoas.