Vieiros

Vieiros de meu Perfil


Máis Alá

Xestionado por Vieiros
RSS de Máis Alá
Literatura

Nace Verlibros, unha editorial especializada en libros de arte na nosa lingua

Unha recompilación de conversas entre Álvaro Siza e Manel Somoza inaugura o catálogo da editora.

Redacción - 10:00 12/10/2007
Capa do libro

Capa do libro

A nova editorial Verlibros acaba de presentar o seu primeiro libro, Álvaro Siza, conversas no obradoiro, un diálogo entre o arquitecto galego Manel Somoza e o portugués Álvaro Siza. A publicación responde ao proxecto da editora, que ten como obxectivo cubrir un importante oco: editar en Galiza e en galego libros de arquitectura, arte e estética, fotografía e viaxes, onde se combinen o pensamento, o diálogo, a literatura e a imaxe, tanto estática como en movemento.

O libro recompila as conversas que tiveron lugar entre xaneiro e novembro de 2005 no obradoiro que Álvaro Siza ten na cidade do Porto. Revela a maneira de entender a arquitectura do autor portugués, “que é máis unha maneira de vivir que un conxunto de ideas teóricas ou prácticas sobre a disciplina”, explica o autor, Manel Somoza. “A obra de Siza é un referente internacional da arquitectura dos últimos trinta anos”, engade.


4.25/5 (12 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: