Edición xeral
Pintura rosa contra a nostalxia da ditadura
Militantes de Nos-Up tinguiron outra vez de rosa a "cruz dos caídos" de Ferrol e retiraron o busto de Calvo Sotelo do Concello de Tui e varias placas de lembranza no de Ames.
As placas que retiraron dunha igreza de Ames
O día 20 de novembro algunhas vilas galegas amenceron coas cousas algo mudadas e noutras as cousas foron mudando ao longo da mañá. Foi o caso de Tui, onde varios militantes de NÓS-Unidade Popular retiraron de mañá, o busto de Calvo Sotelo da Casa do Concello, onde continuaba presente, 71 anos despois do levantamento militar e 32 anos despois da morte do ditador fascista. A seguir, levaron a cabeza do "protomártir do movemento nacional" á fundición, e desfixérona, "erradicando", segundo contan nun seu comunicado, por medio da "acción directa" os "vestixios de 40 anos de terror".
"A acción directa introduce hixiene, xustiza e dignidade democrática" no país
Varios militantes de NÓS-UP tamén actuaron de madrugada en Ames, onde retiraron dúas placas, (de metro e medio e de mármore) de lembranza "aos caídos" do bando franquista (22 deles da vila de Ames, encabezados polo nome do fundador da Falange, José Antonio Primo de Rivera), así como unha coroa de loureiro que as acompañaba, situadas nun monolito no campo da igrexa da Parroquia de Santo Tomé.
A organización independentista xa lle tiña solicitado ao goberno municipal de Ames a súa retirada, e ao non teren resposta, quitaron eles mesmos as placas, nunha acción, segundo contan "realizada no trixésimo segundo aniversario da morte do xenocida Franco como un modesto contributo da esquerda independentista galega para homenaxear e lembrar a toda a veciñanza de Ames asasinada polo fascismo español".
Eliminando a "simboloxía do terror"
Outro ano máis tamén chegou a quenda de Ferrol, cidade natal do ditador e unha das galegas que até hai nada aínda mantiña unha chea de símbolos franquistas nas súas rúas.
En Ferrol, un ano máis, a "cruz dos caídos" da Praza de Amboaxe amenceu tinguida de rosa, a "cor do antifascismo", segundo contan dende NÓS-UP. Esta non é a primeira vez que isto acontece, (naquela altura foi limpada polo goberno municipal). O ano pasado tamén retiraron o escudo franquista situado na base da cruz, após a negativa da anterior corporación municipal (PPdeG e Independentes por Ferrol) de o facer.
Ademais de achegar este vídeo das accións, a organización puxo na súa web unha relación da iconografía fascista que aínda persiste na comarca de Trasancos, entre os que figuran varias "cruces dos caídos" e placas de lembranza, así como a famosa estatua ecuestre de Franco, que aínda se garda no arsenal militar de Ferrol.
Novas relacionadas
- A simboloxía franquista pervive en centos de rúas, edificios públicos e igrexas de Galiza
- Pídenlle ao Valedor que o Concello da Coruña retire a simboloxía franquista
- O concello de Ferrol xa non ten escudo franquista
- Avenida de Galiza, Avenida de Galicia ou Rúa de José Antonio?
- Díaz confirma que o concello retirará a simboloxía franquista de Ferrol
Comentarios (7)
Tinháis que deixar de tinguir de cor-de-rosa aos símbolos fascistas de pedra e tinguir aos fascistas vivos, que há muitos e passeando com total impunidade.
Nem um só franquista com a cara limpa!
Em tres comentários destes-lhe a publicidade que justamente procura todo portador de mensagem. Nom lhe fagades o travalho de balde.
Só digo umha cousa, que o descrédito ao contrário nom nos faga esquezer as nossas ideias.
Na praza da Quintana hai unha parede que ten o nome de José Antonio Primo de Rivera.
Mal hace Vieiros alentando estas algaradas callejeras. Pero nada, si este es el camino, nos tendremos que poner también los demás a echar pintura rosa en los bustos del embustero de Castelao, por poner un ejemplo.
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto