2008: Ano de Curros e Álvarez Blázquez
Tamén se falará de Voces Ceibes, e do 25 aniversario do Consello da Cultura e da Lei de Normalización.
A cultura galega vivirá en 2008 dous momentos que poden ser considerados históricos. O primeiro, en febreiro, coa participación na Feira do Libro da Habana como país convidado. O segundo, en xullo, na Festa Marítima Internacional de Brest, tamén como como país convidado. A cultura galega difundirase no mundo e relacionarase coas culturas asentadas, coas culturas con Estado de seu en pé de igualdade.
Será tamén o ano de Xosé María Álvarez Blázquez, homenaxeado no días Letras Galegas. Será igualmente un ano de música, co 40 aniversario de Voces Ceibes e do movemento estudantil de 1968 na Universidade de Santiago. Polo demais, o Instituto Galego de Artes Escénicas e Musicais converterase na Axencia Galega das Industrias Culturais e no 2008 comezaranse a ver os primeiros resultados da Declaración de Compostela asinada por Galiza, Euskadi e Cataluña.
2008 será tamén un ano de aniversarios. O máis destacado o centenario da morte de Curros Enríquez, motivo polo cal a Real Academia decidiu que este será o ano de Curros, ao que dedicarán unha completa programación de actividades. Tamén se cumprirán 120 anos do nacemento de Otero Pedrayo, e 175 do de Murguía. De igual xeito, haberá que lembrar os 50 anos dos pasamentos de Luís Pimentel e López Cuevillas.
Cumprirán anos varias institucións, así coma algunhas leis e normas determinantes na historia recente de Galiza. O Consello da Cultura Galega celebrará o seu 25 aniversario, e tamén se cumprirán 25 anos da Lei de Normalización Lingüística. Mentres, o CGAC fará quince anos, e a Mesa prá Defensa del Galego de Asturias vinte. Finalmente, farán dez anos daquela iniciativa normalizadora que se chamou Galegos de por vida, estinada a galeguizar as esquelas, epitafios e demais documentos e textos ao redor da morte.
Apunta estas datas
7 de febreiro. Centenario do pasamento de Manuel Curros Enríquez
Do 13 ao 24 de febreiro. Feira do Libro da Habana.
13 de febreiro. Cincuenta anos da morte de Luis Pimentel
5 de marzo. 120 anos do nacemento de Otero Pedrayo
13 de marzo. Cinco anos da morte de Lois Tobío.
17 de maio. 175 anos do nacemento de Murguia
17 de maio. Día das Letras Galegas dedicado a Álvarez Blazquez
8 de xullo. Vintecinco anos do Consello da Cultura Galega
Do 11 ao 17 de xullo. Festa Marítima Internacional de Brest
24 de xullo. Cinco anos da última Normativa da Lingua Galega
30 de xullo. Cincuenta anos da morte de López Cuevillas
30 de outubro. Vinte anos da Mesa prá Defensa del Galego de Asturias
30 de novembro. Dez anos de Galegos de por Vida
Comentarios (4)
Não deixa de ser curioso que sendo 2008 o ano que a RAG dedicará a Álvarez Blázquez, e tendo este muitos filhos, praticamente todos os meios optaram até hoje por falar só com Xosé María (escritor em norma ILG-RAG) e não, por exemplo, com Celso (escritor reintegracionista).
Por certo, eis umas palavras do Celso falando do seu pai:
http://www.agal-gz.org/modules...
Celso Álvarez Cáccamo: «Está por popularizar o livro português na Galiza de umha maneira comparável a como meu pai foi divulgador do livro em galego da altura»
Como sei que o Celso é habitual leitor de Vieiros, aproveito para matizar que este exemplo é o que antes me veio à cabeça, mas que exemplifica avondo bem como funcionam as ideologias linguístico-censoras neste país. Quero dizer, que quando se trata de escolher entre várias fontes de igual valia (o qual, no caso exposto, resulta inquestionável), sempre se opta mor marginalizar a visão reconhecidamente reintegracionista.
Mais casos podem ser as pseudo-homenagens a "Carballo Calero" (falseando a história recente e amputando flagrantemente o seu papel no reintegracionismo), a nula referência nos livros de texto à praxe reintegracionista (nalguns casos já abandonada) de autores como Xavier Alcalá, Henrique Rabunhal ou Elvira Souto, e um longo etcétera de manipulações.
vIVA CURROS E A SÚA POESÍA, DO MAR POLA ORELA MIREINA PASAR...
«As que passam por eminências espanholas deveram conhecer o Portugal Contemporáneo para convencer-se da sua pequenez e insignificáncia.»
http://www.agal-gz.org/modules...
Viva, viva Curros.
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto