Vieiros

#1 8/Febreiro/2008 Xabi1

Era de agardar. Quen se tome a molestia de consultar os dados de anos anteriores comprobará que Galiza é un país con escasa afección pola lectura e con cativos hábitos lectores. Pola contra edita-se neste país sen Estatuto de Nazón, cántos libros diarios, dous, dous e medio, tres, incluidas as feiras?. E os editores felices de atopar un mercado non que non só non hai clientes senón que, ademáis, é un chollo porque é imposible perder cartos pois a administración autoanémica adquire unha parte da tirada que asegura que o valente editor non perda cartos. Mercado libre e aberto chaman-lle á figura. Claro que hai que contar co libro de texto, que enche moito a estatística.
Deberían meditar os nosos xestores culturais, os xerentes de editoriais, os editores, os libreiros, os cargos políticos que se ocupan da cousa, os asesores do Cortello da Cultura Galega (ei, para cándo pasará por aí o Consello de Contas a auditar, eh, para cándo?), os asesores de presidente Touriño que proceden da Editorial Galaxia, os intelectuais do País, patrióticos ou non, que trincan en Madrid e na Galiza con ese sabor de quen se sabe intermitentemento colonizado, aqueles alegres muchachos que reuníu a Concelleira de Cultura para que meditaran sobre a Cidade da Cultura... Deberían meditar e, por favor, que non cobren tanto, que non hai tanta pasta.