Vieiros

Abril, libros mil

Destinarase máis dun millón de euros en achegar as letras aos sectores e espazos menos sensibilizados, levando os libros á rúa, ás praias ou aos centros de saúde.

Ler nas salas de espera

Son xa 45 os centros de saúde de todo o país nos que a Consellaría de Cultura reparte libros na súa campaña 'Lendo espero'

Dez semanas para o libro

A iniciativa Semanas do libro e a lectura levara por todo o país exposicións, obradoiros e contacontos, que permanecerá unha sete días en cada vila.

Amosa o que les

O concurso organizado polas bibliotecas públicas do Concello da Coruña inicia a súa fase de votación, na que escollerán a mellor imaxe relacionada coa lectura.

Lemos pouco

Galiza baixa a súa media lectora con respecto ao pasado ano, cando superaba a cinco comunidades autónomas.

• Máis dun millón de euros para a promoción da lectura

Os superventas xaponeses escritos nun móbil

A metade das 10 novelas máis vendidas este ano en Xapón foron escritas en teléfonos móbeis. Vendéronse uns 400.000 exemplares por termo medio

Ningún neno sen libros en Venezuela grazas ás 'bibliomulas'

No val de Momboy, en Trujillo, está a medrar o uso deste animais para achegar a lectura aos poboadores das montañas, especialmente aos cativos, e agora tamén o uso de computadoras.

De que nos valeu saber ler?

Ninguén crería que a mediados do século XIX A Fonsagrada e Lalín foron os dous lugares máis cultos de toda Galicia. Cando menos, ninguén que non tivese diante as completas táboas e análises que traza Narciso de Gabriel en Ler e escribir en Galicia. As taxas de alfabetización, a distribución xeográfica dos letrados, os ritmos peculiares da incorporación da muller á lectura e á escritura ou o impacto da emigración son algunhas das chaves que vai debullando De Gabriel na súa obra (Universidade da Coruña, 2006), e que agora repasa nesta entrevista. Unha entrevista de Xabier Cid con fotografías de Quico López.

A terceira entrega de 'Contos do tren' xa circula polas vías

A campaña de promoción da lectura da Consellería de Cultura reparte entre os usuarios dos ferrocarrís 40.000 exemplares durante catro semanas.

O Plan de Lectura céntrase na promoción e no traballo á beira dos sectores implicados

Inclúe o investimento de até 50 millóns de euros entre 2007 e 2011 para o fomento da lectura.

Editamos moitos libros, pero lemos pouco

A edición no país situouse no sexto posto a nivel do Estado, segundo datos do instituto estatal de Estatística.

A afección polos libros segue frouxa

O índice medio de persoas que rillaron nun libro no treito 2004-2006 chega en Galiza ao 51% da poboación, porcentaxe só por riba de Estremadura.

Concellos de todo o país contarán con cadansúa semana do libro e da lectura

Oito concellos van participar a partir do 11 de marzo, e até o 9 de xuño, na semana do libro e da lectura que organiza a Consellería de Cultura e Deporte. Moaña, Monforte, Viveiro, Carballo, Ames, Allariz, Pontedeume e Porriño contarán con todo tipo de actividades para o profesorado e o alumnado.