Vieiros

Vieiros de meu Perfil


GZ-Deportiva

Xestionado por Vieiros
RSS de GZ-Deportiva
Fractura dun ombreiro

Óscar Pereiro abandona o Tour de Francia logo de sufrir unha caída grave

O campión da rolda gala en 2006 caeu por un barranco cando descendía o Col de Agnel, mais non perdeu a consciencia en ningún momento.

Redacción - 18:50 20/07/2008

O ciclista galego do Caisse d'Epangne e gañador do Tour de Francia en 2006, Óscar Pereiro, viuse na obriga de se retirar da rolda gala logo de sufrir unha caída grave. Durante a disputa da décimo quinta etapa, o de Mos caeu por un barranco cando descendía do Col de Agnel, nos Alpes, debido a chuvia que caeu sobre a estrada.

Pereiro non perdeu a consciencia en ningún momento e sofre, segundo confirmou o director do Tour, Christian Prudhomme, unha fractura de ombreiro. Logo de ser atendido polo médico da carreira foi evacuado en ambulancia. O galego, gañador do Tour 2006, era o décimo quinto da clasificación xeral a seis minutos e un segundo do líder Cadel Evans (Silence Lotto).

Por outra banda, o ciclista australiano Simon Gerrans (Credit Agricole) logrou o triunfo de etapa. Franck Schleck (CSC) arrebatoulle o liderado a Evans.


3,86/5 (7 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: