Vieiros

Vieiros de meu Perfil


Galego.org

Xestionado por Vieiros
RSS de Galego.org
REACCIÓNS

A AELG achaca as declaracións de Steiner ao seu "descoñecemento temerario" da nosa cultura

O colectivo de escritores coida necesario impulsar as estruturas internacionais de promoción da lingua e da cultura galegas.

Redacción - 19:15 27/08/2008

A Asociación de Escritores en Lingua Galega (AELG) emitiu un comunicado para lamentar "profundamente as declaracións de George Steiner a respecto do noso idioma e da nosa literatura". A entidade amosa a súa sorpresa polo feito de que "unha persoa de probada valía intelectual, que no seu día recibiu o premio Príncipe de Asturias da Comunicación, manifeste un descoñecemento tan elevado da nosa literatura e non teña reparos en demostralo".

A AELG refírese a entrevista concedida por Steiner, do que di que amosou "un total desprezo polo que non coñece, facendo gala da súa ignorancia e demostrando unha nula gratitude cos cidadáns do Estado que un día o premiou". En calquera caso, a AELG quere pensar que non se trata dun prexuízo, senón de "descoñecemento temerario da nosa tradición literaria", polo que convida a George Steiner "a visitar o noso país e coñecer a nosa lingua e a nosa cultura", que "aínda hoxe é obxecto de admiración e estudo en todos os países do mundo".

Para a AELG, estas declaracións demostran que é necesario "impulsar as estruturas estábeis xa existentes e espalladas polo mundo, destinadas á promoción e ensino da lingua e da cultura galegas" e crear outras que apoien a "necesaria internacionalización da nosa lingua e cultura desde presupostos claramente identificadores dunha terra con cultura milenaria e unha identidade propia".


5/5 (18 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: