Edición xeral
Michael Moore estrea na rede, e de balde, o seu último filme
Slacker Uprising é o título do documental sobre as eleccións presidenciais de 2004 nos EUA. O cineasta pretende con el animar os mozos a votar, mellor polos demócratas.
Cartaz do filme
O controvertido cineasta norteamericano, Michael Moore vén de estrear na internet (e de balde), a últimas horas desta terza feira, o seu último filme documental sobre as eleccións presidenciais de 2004, as que lle deron, novamente, o poder a George W. Bush.
O filme, titulado Slacker Uprising, supón a entrada directa de Moore na campaña electoral, xa que con este traballo pretende instar aos mozos estadounidenses a votar nas eleccións presidenciais de novembro, preferentemente aos demócratas. Ademais, é a primeira vez que Michael Moore emprega a rede para distribuír o seu traballo; segundo el a idea era facerlle "un agasallo aos meus admiradores".
"Os vosos pais votaron a Bush. Só vós podedes mudar América "
Slacker significa nugallán, preguiceiro, aínda que o título deste filme poderíase traducir máis ben por A revolución ou O Levantamento dos slackers, palabra que, neste contexto, significa individuo (home ou muller) entre os 18 e os 30 anos que normalmente non vota e que debería facelo desta volta, preferentemente por Barack Obama.
No 2004, o cineasta comezou un tour polas universidades de 62 cidades dos EUA coa intención de conseguir o votos dos mozos e mozas para o candidato demócrata John Kerry, coa axuda de persoas coñecidas polos universitarios, coma os actores Viggo Mortensen e Roseanne Barr ou a cantante e activista Joan Báez. Na fita explican: "Os vosos pais votaron a Bush. Só vós podedes mudar América ".
Houbo unha primeira versión de Slacker Uprising, titulada Captain Mike Across America, que se estreou o ano pasado no Festival Internacional de Cinema de Toronto. Para a segunda e definitiva copia, Michael Moore decidiu recomprar os dereitos de distribución do filme e mudar o xeito tradicional de movela por un sistema que se adapta mellor á súa idea de distribución: na rede e de moca. A idea é que a vexa o maior número de persoas posíbel, aínda que, como di o seu colega Robert Greenwald, "acaba bastante mal".
Mais este non é o único filme que nestes días de campaña ha chegar aos cinemas de medio mundo. Tamén anda por aí o último traballo de Oliver Stone, unha biografía non autorizada de Bush, titulada W. Alén dun outro filme, CSNY/Déjà vu, do músico Neil Young, unha mensaxe antibelicista e contra o goberno de Bush.
Novas relacionadas
Comentarios (11)
Obama vai ser peor que McCain. Ao tempo...
Para descarregar o filme de balde cumpre ser residente nos EUA ou Canada (ou mentir, irmagino).
Pode ser que Obama chegue a ser peor que Mc Cain, pero non leva un vicepresidente que defende a caza, o creacionismo, oponse á interrupción do embarazo, considera que Deus guía os seus exércitos, está a favor de furar toda Alaska a procura de petróleo, considera que hai que chegar virxe o matrimonio, ou trata os homosexuais coma enfermos...
#3 E igual, McCain nom vai ganhar. Estas eleiçoes som umha grande campanha de marketing para lavar a imagem dos EUA a nivel externo e interno. Vive tranquilo, so pode ganhar Obama. Por isso, enganei-me ao dizer que Obama é peor do que McCain (nom o saberemos porque McCain nunca vai governar). Obama vai ser peor que Bush (que ja é dizer) ou, no melhor dos casos, vai continuar com exactamente as mesmas politicas. Som umha eleiçoes cosmeticas.
Penso que nin Mc Caín nin Obama queren problemas nos mecanismos e procesos de acumulación de capital. O resto son foguetes.
Um conselho: nom estaria demáis que os que se permitem fazer profecias e desqualificar alegremente começem por dar alguns dados e argumentos, porque senom perdem o tempo e, pior, famnos que o perdamos outros que andamos á procura de aportaçóns sérias no foro.
Obrigado por adiantado.
#6 Tu vas votar nas eleiçoes americanas? Alguem que esta lendo isto vai votar nas eleiçoes americanas? Por que todos estam tam enamorados de Obama. Alguem leu o seu programa eleitoral? Alguem leu o de McCain? Alguem sabem se ha algumha diferencia substancial entre ambos programa?
Eu digo, e sei que é irrelevante, o tempo ja dira o que tenha a dizer. E os burros ja orneiaram o que tenham que ornear.
A ver quantos milhoes morrem na era Obama...
imprime a páxina, que se se cumple a profecía dentro de catro anos vaste sentir satisfeito ó lela
#6. Hai que dar datos para dicir que a política é un gran teatro? Acho a profecía de Sara_Mago moi atinada, sobre todo hoxe, que McCain sobreactuaba a súa torpeza.
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto