O Dépor quere a Nacho Novo
Lendoiro confirmou o seu interese polo dianteiro dos Glasgow Rangers, sinalando que a comezos de xaneiro ha falar persoalmente co futbolista ferrolán.
Nacho Novo falando coa Galega, após marcar os dous tantos no Galiza-Irán
O presidente do Real Club Deportivo da Coruña, Augusto César Lendoiro, admitiu a noite da segunda feira que ten a ollada posta no dianteiro dos Glasgow Rangers, o ferrolán Nacho Novo.
O xornal escocés Daily Record recólleo na súa primeira capa como unha exclusiva: "O Dépor anda en conversas con Novo". O dianteiro, polo seu lado, revelou que podería contestar a unha oferta a vindeira semana.
A ollada de Lendoiro
Nun momento do Galiza-Irán, no que Novo foi o máximo anotador e o xogador máis destacado -viña de xogar, de mañá, co seu equipo en Escocia, e pola tarde marcou dous dos tres golas da irmandiña-, as cámaras da televisión enfocaron a Lendoiro nas bancadas. Estaba abraiado, ollando o xogo do ferrolán, se cadra pensando nunha posíbel fichaxe. Agora estamos certos, o presidente do Dépor admitiu que Novo é un dos principais obxectivos do clube.
Aínda ten que falar co adestrador, Miguel Ángel Lotina e co director deportivo, Ricardo Moar, mais, segundo lle confesou a este medio escocés, "Nacho Novo é un xogador atractivo para o Deportivo, polos seus antecedentes e tamén pola súa situación contractual en Glasgow". Ao galego quédalle cinco meses de contrato cos Rangers, nun período no que non termina de atopar o seu lugar, xa que o dúo de dianteiros formado por por Kris Boyd e Kenny Miller rouboulle un bocado o seu rol de goleador. "Sabemos que termina contrato esta tempada, así que non se trata dun gran prezo, mais non hai nada decidido aínda; este é o tipo de cousas que temos que debater internamente e das que falaremos en xaneiro", subliñou o presidente deportivista.
No caso de atopar sobre a mesa unha oferta do Dépor, Novo veríase nunha difícil situación, dado o trato que recibiu sempre da afección escocesa en catro anos e medio, e o bo lugar que ocupou no primeiro equipo. Porén, segundo lle contou a Vieiros, sempre quixo volver á terra. Lendoiro case o deu por suposto cando se dirixiu a el ao terminar o encontro de Galiza e Irán, dicíndolle, de brincadeira que, se cadra, tiña chegado o momento de volver á casa.
Ligazóns
- A exclusiva do Daily Sport escocés
- Unha anterior noticia en Vieiros falaba da posibilidade de que Novo fichase polo Dépor
Novas relacionadas
- Os Rangers poderían poñer a Nacho Novo no escaparate en xaneiro
- Estampas da romaría Irmandiña
- Chegou Nacho Novo e comezou a romaría
- Festa Irmandiña: Galiza 3 - Irán 2
- Reforzos irmandiños: Jonathan Vila, Dani Abalo, Capi e Bergantiños
- Xa se coñecen as convocatorias das seleccións irmandiñas
- “Sempre tiven ganas de ir coa selección"
- Hermida consegue a prata na proba madrileña da Copa do Mundo
Comentarios (14)
Pero a ver AVGVSTVS CAESARIS LENDOIRVS se non tes cartos, e por Nacho estan preguntando en Inglaterra, que é o que che fai pensar que vas ter cartos dabondo para pagarlle?
Queremos-te na Crunha Nacho-man!!!
#1 Leva razón. mais ogallá os consiga, non soportaría ver a Novo xogando co R. Madrid. O efecto psico-social de Novo no Madrid ou en calquera equipa española sería nefasto.
Lendoiro sabe que con Novo levaría máis xente da que está a ir nas últimas semanas a Riazor e que tería con iso só xa todo un super-depor. O mellor sería que lle dera a patada a Lotina e que fiche a Fernado Vázquez e a Novo... iso ía ser dun subidón criminal! e dívolo un do Celta con toda a boa fe.
de por contranado xogadores galegos. agardemos que isto sexa u cambio de mentalidade de lendoiro. parebénse se o fichades. Forza Ourense
Pois como parte da parroquia deportivista, manifesto a miña ledicia, si e que finalmenten ven...(ainda que sexa do Rangers e non do Celtic!)
Hai que galeguizar este Depor!
dende Pontevedra un granate de pro tamén aboga pola volta de Novo ao fútbol galego, adiante os equipos galegos e o noso fútbol !!!!
Mágoa que teñan que demostrar fóra o que aqui non soubemos ollar con claridade, cantos xogadores bos estanse a perder por non saber tratar á canteira.
E depaso que traian tamén a Ricardo Cabanas, por pedir...
Caralho, Lendoiro, nunca pensaches que a selecçom servira para nada, e já ves...graças a ela resulta que decobriches a Novo...
Eu quero a Nacho para o Depor. A quen non quero é a Lendoiro. Así que o cambiamos.
Eu o que quero é que tanto Nacho Novo coma o resto dos xogadores galegos falen galego,porque Novo e outros xogadores masculinos e femeninas despois dos partidos de ambas Seleccións non falaron no noso idioma nin para a TVG nin para a RG.
Iso o fan os cataláns ou os vascos e quedan fora da Selección o vindeiro ano.
Moi de acordo com ACamTir.
ACamTir,
É plenamente ilustrativo do que se passa na Galiza. Uma seleção não reconhecida, igualada a Extremadura ou uma equipa de jornalistas em partido benéfico de natal, na que os seus jogadores não são capaces de falar galego nem 10 segundos, perante a TVG, para os galegos, num acto que muitos consideram patriótico.
Essa não é a minha seleção. Fico com os menos da minha aldeia dando patadas à bola num campo de terra.
Esse segue sendo o nosso fútebol. Precário e autêntico.
#1 ten razon peo lendoiro sempre ten de onde quitar cartos
e ogalla veña nachooooo!!
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto