Vieiros

Vieiros de meu Perfil


Edición xeral

RSS de Edición xeral
O 6 de novembro

Feijoo, Bisbal e Pedro J recibirán en Miami o premio "Españois universais"

A Cámara de Comercio España-Estados Unidos decidiulles outorgar o galardón pola súa "sobresaínte contribución profesional".

Redacción - 18:47 21/10/2009

A Cámara de Comercio España-Estados Unidos celebra o 6 de novembro a súa 30ª gala anual en Miami coa entrega dos seus premios "Universal Spaniards" (españois universais). Desta volta, os agraciados son o presidente da Xunta, Alberto Núñez Feijoo; o director de El Mundo, Pedro J. Ramírez, e o cantante David Bisbal, pola súa "sobresaínte contribución profesional como españois nos Estados Unidos". No apartado empresarial, premiarase IBT Group, LLC, especializado na construción e en equipamentos públicos.

A gala, á que haberá que asistir de rigorosa etiqueta, terá lugar no Hotel Biltmore da cidade estadounidense, e estará presentada por Marián de la Fuente e Carlos Herrera. O prezo da entrada é de 300 dólares para socios e de 350 para amigos da Cámara. A velada consistirá nun recibimento con alfombra vermella e cóctel seguido dunha cea de tres pratos, durante a que terán lugar os discursos e a cerimonia.

A Spain-United States Chamber of Commerce é unha entidade fundada en 1959 en Nova York que pretende fortalecer as relacións empresariais e culturais entre o Estado Español e os Estados Unidos, mantendo Florida como ligazón entre os dous estados.


Ligazóns

2.57/5 (14 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: