Vieiros

Vieiros de meu Perfil


Edición xeral

RSS de Edición xeral
NA CORUÑA

Deteñen a Ugio Caamanho

Terá que cumprir un ano e medio de cadea, a parte da condena pendente logo da súa excarceración en novembro do ano pasado.

Redacción - 12:30 28/11/2009
Ugio Caamanho, no último xuízo

Ugio Caamanho, no último xuízo

O independentista Ugio Caamanho foi detido esta fin de semana na Coruña polas Forzas de Seguridade do Estado. Segundo lle confirmaron a Vieiros fontes de Ceivar, Caamanho estivo recluído este sábado en dependencias policiais á espera dun destino no que terá que cumprir a parte da condena pendente logo da súa excarceración en novembro de 2008.

Deberá cumprir agora un ano e seis meses de cadea, logo de que xa non sexa posíbel ningún recurso contra a sentenza do Supremo, que é firme. O independentista saíra en liberdade hai un ano logo de pasar tres anos e tres meses en prisión preventiva, máis da metade da súa condena por colocar unha bomba nun caixeiro automático en Compostela en 2005.

Dende o momento da detención, o colectivo anti-represivo Ceivar mobilizouse para articular unha resposta. Este sábado uns 15 simpatizantes concentráronse perante os xulgados da Courña para amosar a súa solidariedade con Caamanho. A maiores, manifestan a súa preocupación sobre a posibilidade de que o detido sexa trasladado a unha prisión española situada fóra do territorio de Galiza.


Ligazóns

4.29/5 (17 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: